ଧାନ ଗାଡ଼ି ଅଟକାଇ ପୁଲିସ ହନ୍ତସନ୍ତ, ୨ କନେଷ୍ଟବଳଙ୍କ ବଦଳି
ଛେଣ୍ତିପଦା : ଛେଣ୍ତିପଦା ଥାନା ବାଗେଡ଼ିଆ ଫାଣ୍ଡି ସମ୍ମୁଖରେ ଆଜି ଗାଡି ଯାଞ୍ଚ ବେଳେ ଏକ ଧାନ ବୋଝେଇ ପିକ୍ଅପ୍କୁ ଅଟକାଇବା ଘଟଣାରେ ପୁଲିସକୁ ସ୍ଥାନୀୟ ଜନସାଧାରଣଙ୍କ ଆକ୍ରୋଶର ଶିକାର ହେବାକୁ ପଡ଼ିଛି। ପ୍ରାୟ ଏକ ଘଣ୍ଟା ଧରି ସ୍ଥାନୀୟ ଜନତା ଓ ପୁଲିସ ମଧ୍ୟରେ ଯୁକ୍ତତର୍କ ହୋଇଥିଲା। ପରେ ଏହି ଘଟଣାକୁ ନେଇ ଫାଣ୍ଡିର ଦୁଇଜଣ କନେଷ୍ଟବଳଙ୍କୁ ଛେଣ୍ଡିପଦା ଥାନାକୁ ବଦଳି କରାଯାଇଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ, ଦେବଗଡ଼ ଜିଲ୍ଲାର ଆଉଁଳୀ ଗ୍ରାମର ବାପଘରୁ ଦ୍ରୌପଦୀ ସାହୁ(୩୪) ଧାନ ଓ ଓଲି େବାଝେଇ ପିକ୍ଅପ୍ ଗାଡି (ଓଡି-୧୯-ଏନ-୨୫୦୬)ରେ ପିଲାଙ୍କ ସହିତ ଶ୍ବଶୁରଘର ଛେଣ୍ତିପଦା ଥାନା ସନ୍ତରାବନ୍ଧ ଗ୍ରାମକୁ ଯାଉଥିଲେ। ଆଜି ସକାଳ ୭ ଟାରେ ଗଞ୍ଜେଇ ଚାଲାଣର ଖବର ପାଇ ବାଗେଡିଆ ଫାଣ୍ତି ସମ୍ମୁଖରେ ଫାଣ୍ତି ଅଧିକାରୀ ବୁଦ୍ଧଦେବ ବିଶ୍ବାଳ ସଦଳବଳ ଉକ୍ତ ଧାନ ଓ ଉଲି ବୋଝେଇ ଗାଡିକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ବେଳେ ଗାଡିରୁ ଧାନ ଓ ଉଲି ବସ୍ତା ସବୁ ତଳକୁ ପୁଲିସ ଓହ୍ଲାଇ ଦେଇଥିଲା। ହେଲେ ଗାଡିରୁ ଗଞ୍ଜେଇ ମିଳିନଥିଲା। ୨ ଘଣ୍ଟା ଧରି ଗାଡି ଖାନତଲାସ ବେଳେ ସେଠାରେ ଅଞ୍ଚଳର ଶତାଧିକ ଲୋକଙ୍କ ଭିଡ଼ ଜମିବା ସହ ଏହି ଘଟଣାକୁ ନେଇ ସେମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା। ଅସନ୍ତୁଷ୍ଟ ଜନତା ଓ ଗାଡି ମାଲିକଙ୍କ ଚାପରେ ପୁଲିସ ହଟହଟା ହେବା ସହ ତଳକୁ ଓହ୍ଲାଇଥିବା ଧାନ ଓ ଉଲିବସ୍ତାକୁ ପୁଣି ଗାଡିରେ ବୋଝେଇ କରିବାକୁ ବାଧୢ ହୋଇଥିଲା। ପରେ, ଏହି ଘଟଣାରେ କନେଷ୍ଟବଳ ସ˚ଜୟ ସ୍ବାଇଁ ଓ କନ୍ଦର୍ପ ମହାଳିକଙ୍କୁ ଛେଣ୍ଡିପଦା ଥାନା ଆଇଆଇସି ନିର୍ମଳା ଗୋଛାୟତ ବାଗେଡିଆରୁ ଛେଣ୍ତିପଦା ଥାନାକୁ ବଦଳି କରାଯାଇଥିବା ଜଣାପଡ଼ିଛି।