ସାପ କାମୁଡ଼ାରେ ଦୁଇ ଭଉଣୀ ମୃତ
ବାରିପଦା: ସାପ କାମୁଡ଼ାରେ ଦୁଇ ଛାତ୍ରୀ ମୃତ। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା କୁଳିଅଣା ଥାନା ଖାଣ୍ଡିଆ ପଞ୍ଚାୟତର ବଡ଼ଦନାମରା ଗ୍ରାମରେ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ସେହି ଥାନା ଅଞ୍ଚଳରେ ରହୁଥିବା ଦୁଇ ସଢ଼ୁ ସେମାନଙ୍କ ଶଶୁର ଘରକୁ ବୁଲିବାକୁ ଯାଇଥିଲେ।ସେମାନଙ୍କର ଦୁଇ ଝିଅ ନାନୀତ (୧୧) ଓ ରୋଜି(୧୧) ରାତିରେ ଶୋଇଥିବା ସମୟରେ ଏକ ଚିତି ସାପ ଦୁହିଁଙ୍କୁ କାମୁଡି ଦେଇଥିଲା ।
ପ୍ରଥମେ ଗୁରୁତର ଦୁଇ ଝିଅଙ୍କୁ ରଙ୍ଗମାଟିଆ ସ୍ୱାସ୍ଥ୍ୟ କେନ୍ଦ୍ର ଓ ପରେ ବାରିପଦା ସ୍ଥିତ ପିଆରଏମ ମେଡିକାଲକୁ ଆଣିଥିଲେ ପରିବାର ଲୋକେ। ଏଠାରେ ଚିକିତ୍ସା ଚାଲିଥିବା ବେଳେ ଦୁଇ ଭଉଣୀଙ୍କ ମୃତ୍ୟୁ ହୋଇଯାଇଥିଲା। ଏହାକୁ ନେଇ ପରିବାର ଲୋକଙ୍କ ମଧ୍ୟରେ ଶୋକର ଛାୟା ଖେଳିଯାଇଛି।