ଟ୍ରାକ୍ଟରକୁ ପିଟିଲା ଟ୍ରକ୍: ୨ ମୃତ
ନୂଆପଡ଼ା/କୋମନା : ନୂଆପଡ଼ା ଜିଲ୍ଲାର କୁରୁମପୁରୀ ୩୫୩ନଂ ଜାତୀୟ ରାଜପଥରେ ଶନିବାର ବିଳମ୍ବିତ ରାତିରେ ଏକ ଦୁର୍ଘଟଣା ଘଟିଛି। ଏକ ଟ୍ରାକ୍ଟରକୁ ପଛରୁ ଟ୍ରକ୍ ଧକ୍କା ଦେବାରୁ ଟ୍ରାକ୍ଟରରେ ଥିବା ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାମତେ, ଶନିବାର ରାତି ୧୨ଟାରେ ନୂଆପଡ଼ାରୁ କୋମନା ଏକ ଟ୍ରାକ୍ଟର ଯାଉଥିଲା। ଏହି ସମୟରେ ସିମେଣ୍ଟ ବୋଝେଇ ଏକ ଟ୍ରକ୍ ଟ୍ରାକ୍ଟରକୁ ପଛରୁ ଧକ୍କା ଦେଇଥିଲା। ଘଟଣାସ୍ଥଳରେ କୋମନା ଥାନା ପଣ୍ଡରାପଥର ଗାଁର ଭାଗରଥୀ ସତନାମୀ (୨୨) ଓ ଧୂମାଭଟା ଗାଁର କଲସିପ୍ ନିଆଲ (୩୦)ଙ୍କ ମୃତ୍ୟୁ ଘଟିଛି। ଅନ୍ୟ ୨ ଜଣ ଗୁରୁତର ହୋଇଥିଲେ। ପୁଲିସ୍ ସେମାନଙ୍କୁ ଉଦ୍ଧାର କରି ନୂଆପଡ଼ା ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛି। ଏନେଇ ପୁଲିସ୍ ଏକ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ କରାଇ ପରିବାରଲୋକଙ୍କୁ ହସ୍ତାନ୍ତର କରିଛି।