ରାସ୍ତାକଡ଼ରେ ଠିଆ ହୋଇଥିଲେ; ବାଇକ୍‌ ଆସି ଧକ୍କା ଦେଲା, ଦୁଇ ଯୁବକଙ୍କ ମୃତ୍ୟୁ

ରାୟଗଡା/କଲ୍ୟାଣସିଂହପୁର: ମୃତ୍ୟୁ ଏମିତି ଆସେ କେହିବି ଜାଣି ପାରନ୍ତି ନାହିଁ। ଜଣେ ଯୁବକ ଠିଆ ହୋଇଥିବା ବେଳେ ଅନ୍ୟ ଜଣଙ୍କ ବାଇକ ଧକାରେ ଜୀବନ ଚାଲିଯିବ ସେକଥା କିଏବା କହିବ। ଏମିତି ଏକ ଘଟଣା କଲ୍ୟାଣସିଂହପୁର ରାୟଗଡ଼ା ମୁଖ୍ୟ ରାସ୍ତା କୃଷ୍ଣନଗର ନିକରେ ଜଣେ ଯୁବକ ରାସ୍ତା ଉପରେ ଠିଆହୋଇ ଥିବା ସମୟରେ ବାଇକ ଧକ୍କା ଦେଇଥିବାରୁ ଘଟଣା ସ୍ଥଳରେ ମୃତ୍ୟୁ ଘଟିଥିବା ଜଣାପଡ଼ିଛି। ସନ୍ଧ୍ୟା ପ୍ରାୟ ସାଢେ ସାତଟା ସମୟରେ ଘଟଣା ଘଟିଥିବା ଜଣାପଡିଛି। ମୃତକ ହେଲେ ସିକରପାଇ ପଞ୍ଚାୟତ ତଲସଜା ଗ୍ରାମର ଯୋଗେଶ ମିଣିଆକା। ଅନ୍ୟ ଜଣେ ମୃତ ଯୁବକର ପରିଚୟ ମିଳିନାହିଁ ବୋଲି ପଲିସ ପ୍ରକାଶ କରିଛି ।

ସିକରପାଇ ଠାରୁ ଭିତର ଝୋଲା ଗ୍ରାମରେ ଥିବା ରେଳବାଇ ର କାର୍ଯ୍ୟରତ କର୍ମଚାରୀ ନିଜ କେମ୍ପକୁ ଯାଉଥିବା ସମୟରେ କୃଷ୍ଣ ନଗର ନିକଟରେ ଠିଆ ହୋଇଥିବା ଯୋଗେଶଙ୍କୁ ଧକା ଦେଇଥଲା।ଘଟଣା ଖବର ପାଇ କଲ୍ୟାଣସିଂହପୁର ଥାନା ଅଧିକାରୀ ନୀଳକଣ୍ଠ ବେହେରା ଓ ଏସ ଆଇ ସିବିପ୍ରସାଦ ସାହୁ ଘଟଣା ସ୍ଥଳରେ ପହଞ୍ଚି ଶବ ଜବତ କରି ଘଟଣା ତଦନ୍ତ ଆରମ୍ଭ କରିଥିବା କହିଛନ୍ତି ଥାନା ଅଧିକାରୀ।