ଭାଲୁ, ବାର୍‌ହା ଆକ୍ରମଣରେ ୨ ମୃତ, ମୃତ ମହିଳାଙ୍କ ସ୍ବାମୀ ଓ ଝିଅ ଗୁରୁତର

ତୁମୁଡ଼ିବନ୍ଧ/ରେଢ଼ାଖୋଲ : କନ୍ଧମାଳ ଜିଲ୍ଲା ବାଲିଗୁଡ଼ା ବନଖଣ୍ଡ ଅନ୍ତର୍ଗତ ତୁମୁଡ଼ିବନ୍ଧ ରେଞ୍ଜର ବାଟାଗୁଡା ପଞ୍ଚାୟତ ଟଙ୍ଗମ ଗାଁରେ ଭାଲୁ ଆକ୍ରମଣରେ ପତ୍ନୀର ଜୀବନ ଚାଲିଯାଇଥିବା ବେଳେ ବାପା ଓ ଝିଅ ଗୁରୁତର ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି। ମୃତ ମହିଳା ଜଣକ ହେଲେ ବାଦୁଲି ମଳିକ(୪୩) ଓ ଗୁରୁତର ମାନେ ହେଲେ ବାପା ବାଞ୍ଚା ମଳିକ ଓ ଝିଅ ସର୍ପ ମଳିକ। ସେହିଭଳି, ଏକ ଜଙ୍ଗଲୀ ବାର୍‌ହା ଆକ୍ରମଣରେ ସମ୍ବଲପୁର ଜିଲ୍ଲା ବଡ଼ମାଳ ରେଞ୍ଜ୍‌ ଗରଗଡ଼ବାହାଳ ପଞ୍ଚାୟତ ଲେମଟିଦାଦର ଗ୍ରାମର ଗେଥଲ ମାଝି (୫୫)ଙ୍କ ମୃତ୍ୟୁ ଘଟିଛି। ଏହି ଦୁଇଟି ଘଟଣା ସମ୍ପୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି।