ଦେଓଗାଁ ରାସ୍ତା ଦୁର୍ଘଟଣାରେ ଦୁଇ ମୃତ

ଦେଓଗାଁ: ଦେଓଗାଁ ଥାନା ଅନ୍ତର୍ଗତ ବନ୍ଧପଡା ଫାଣ୍ଡି ର ଧଣ୍ଡାମାଲ-ରୁଗୁଡିପାଲି ରାସ୍ତା ର ଡାଙ୍ଗପଡା ବୁଲାଣି ନିକଟରେ ବୁଧୁବାର ସନ୍ଧ୍ୟାରେ ଏକ ବାଇକ ଦୁର୍ଘଟଣା ଗ୍ରସ୍ତ ହେବାରୁ ଦୁଇ ଜଣ ଯୁବକ ଙ୍କ ଘଟଣା ସ୍ଥଳରେ ମୃତ୍ୟୁ ବରଣ କରିଥିବା ଜଣାପଡିଛି।

ମୃତ ଦୁଇ ଜଣ ଯୁବକ ହେଲେ ଲଣ୍ଡାପଥର ପଞ୍ଚାୟତ ରୁଗୁଡିପାଲି ଗାଁ ର ଶଙ୍କର କାଳସାଏ ଓ  ଆକାଶ ଖେତୀ। ଏହି ଦୁଇ ଜଣ ଯୁବକ ରୁଗୁଡିପାଲି ଗାଁ ରୁ ବାହାରି ଧଣ୍ଡାମାଲ ଅଭିମୁଖେ ଆସୁଥିବା ବେଳେ ଏକ ଖୁଣ୍ଟ ରେ ବାଇକ କୁ ପିଟି ଦୁର୍ଘଟଣା ଗ୍ରସ୍ତ ହୋଇଥିଲେ।ସ୍ତାନୀୟ ଲୋକ ଏନେଇ ଖବର ପାଇବା ପରେ ଆହତ ଦୁଇ ଜଣଙ୍କୁ ଉଦ୍ଧାର କରି ବଲାଙ୍ଗୀର ଭୀମ ଭୋଇ ମେଡ଼ିକାଲ ହସ୍ପିଟାଲ କୁ ନେଇଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିବା ପରିବାର ପକ୍ଷରୁ ସୂଚନା ମିଳିଛି। ଗୋଟିଏ ଗାଁ ର ଦୁଇ ଜଣ ଯୁବକ ଙ୍କ ଦୁର୍ଘଟଣା ଜନିତ ମୃତ୍ୟୁ ହେବା ପରେ ଦେଓଗାଁ ଅଞ୍ଚଳରେ ଶୋକ ର ଛାୟା ଖେଳିଯାଇଛି।