୨ ଦନ୍ତାହାତୀ ହତ୍ୟା ଓ ଦାନ୍ତ ଲୁଟ୍ ଘଟଣା: ୨ ବନପାଳ, ୨ ବନରକ୍ଷୀ ନିଲମ୍ବିତ
ଜଗନ୍ନାଥପ୍ରସାଦ/ଭଞ୍ଜନଗର : ଗଞ୍ଜାମ ଉତ୍ତର ଘୁମୁସର ବନଖଣ୍ଡରେ ଗୁଳିକରି ଓ ବିଦ୍ୟୁତ୍ ତାର ଲଗାଇ ଦୁଇଟି ଦନ୍ତାହାତୀକୁ ହତ୍ୟା କରାଯାଇଛି। ସେମାନଙ୍କ ଦାନ୍ତକୁ ବି କାଟି ନିଆଯାଇଛି। ଏହି ଘଟଣାରେ ବନବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ୨ଜଣ ବନପାଳ ଓ ୨ଜଣ ବନରକ୍ଷୀଙ୍କୁ ନିଲମ୍ବିତ କରାଯାଇଛି। ଅନ୍ୟପକ୍ଷରେ, ଏହି ଘଟଣାରେ ସମ୍ପୃକ୍ତ ତସ୍କର୍ଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଚଳିତ ମାସ ୬ ତାରିଖରେ ମୁଜାଗଡ଼ ରେଞ୍ଜ୍ ଅଞ୍ଚଳରେ ଦନ୍ତାହାତୀକୁ ମାରି ଦାନ୍ତକୁ କାଟି ନେଇଥିଲେ ତସ୍କର୍। ଏହି ଘଟଣାରେ ବନବିଭାଗ ତିନି ଜଣଙ୍କୁ ଗିରଫ କରିଥିଲା ଓ ଦୁଇଟି ଦାନ୍ତ ଉଦ୍ଧାର କରିଥିଲା। ତେବେ, କାର୍ଯ୍ୟରେ ଅବହେଳା ଦର୍ଶାଇ ମୁଜାଗଡ଼ ସେକ୍ସନ୍ର ବନପାଳ ସୁକାନ୍ତ କୁମାର ନାୟକ ଏବଂ ବନରକ୍ଷୀ ଶ୍ରୀମନ ପ୍ରଧାନଙ୍କୁ ଆଜି କାର୍ଯ୍ୟରୁ ନିଲମ୍ବନ କରାଯାଇଛି। ସମାନ ଢଙ୍ଗରେ କନ୍ଧନୂଆପଲ୍ଲୀ ଦନ୍ତା ହତ୍ୟା ଓ ଦାନ୍ତ ଲୁଟ୍ ଘଟଣାରେ ଆଜି ବେଲଗୁଣ୍ଠା ସେକ୍ସନର ବନପାଳ ସୁରଭି ତ୍ରିପାଠୀ ଏବଂ ବିଡିପୁର ବିଟ୍ର ବନରକ୍ଷୀ ଧନୁର୍ଦ୍ଧର ବେହେରାଙ୍କୁ ମଧ୍ୟ ନିଲମ୍ବିତ କରାଯାଇଛି।