ପାରିବାରିକ ବିବାଦ: ହଣାକଟାରେ କକା- ପୁତୁରା ଗୁରୁତର
କଣ୍ଟାମାଳ : ମନମୁଣ୍ଡା ଥାନା ସଦର ଗ୍ରାମର ଧୋବାପଡ଼ାରେ ଗୁରୁବାର କକା ଓ ପୁତୁରାଙ୍କ ମଧ୍ୟରେ ସଂଘର୍ଷ ଘଟି ଉଭୟେ ଲହୁ ଲୁହାଣ ହୋଇ ଗୁରୁତର ଅବସ୍ଥାରେ ସୋନପୁର ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁସାରେ ଧୋବାପଡାର ଡମ୍ବରୁଧର ସେଠୀ ଓ ତାଙ୍କ ପୁତୁରା ମାଧବ ସେଠୀଙ୍କ ମଧ୍ୟରେ ଘରଡିହକୁ ନେଇ ଗଣ୍ଡଗୋଳ ହୋଇଥିଲେ। ପରେ ଉଭୟ ପରସ୍ପରକୁ ଟାଙ୍ଗିଆ ଓ ଲୁହାଛଡ଼ରେ ଆକ୍ରମଣ କରିଥିଲେ। ଏଥିରେ ଉଭୟ ଗୁରୁତର ଆହତ ହୋଇଛନ୍ତି। ଉଭୟଙ୍କୁ ସୋନପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ଏ ସଂକ୍ରାନ୍ତରେ ମାଧବ ମନମୁଣ୍ଡା ଥାନାରେ ଅଭିଯୋଗ କଲା ପରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରହିଥିବା ପୁଲିସ କହିଛି। ତେବେ ଡମ୍ବରୁଧର ଗୁରୁତର ହୋଇ ଚିକିତ୍ସିତ ହେଉଥିବା ଯୋଗୁଁ ତଦନ୍ତ ଆଗେଇ ପାରୁ ନ ଥିବା ମନମୁଣ୍ଡା ଥାନାଧିକାରୀ ଗୋପୀନାଥ ପ୍ରଧାନ କହିଛନ୍ତି।