ପୋଖରୀରେ ବୁଡ଼ି ପ୍ରାଣ ହରାଇଲେ ଦୁଇ ଭଉଣୀ
ବାଙ୍ଗିରିପୋଷି: ମୟୂରଭଞ୍ଜ ଜିଲ୍ଲା ବାରିପଦା ନିକଟବର୍ତ୍ତୀ କୁଳିଅଣା ବ୍ଲକର ଚାନ୍ଦୁଆ ଗ୍ରାମରେ ଆଜି ସକାଳେ ଦୁଇ ସଂପର୍କୀୟ ଭଉଣୀ ପାଣିରେ ବୁଡ଼ି ପ୍ରାଣ ହରାଇଥିବାର ଖବର ମିଳିଛି। ପ୍ରାପ୍ତ ସୂଚନା ଅନୁଯାୟୀ ଆଜି ସକାଳେ ଚାନ୍ଦୁଆ ଗ୍ରାମର ଦୁଇଜଣ ସମ୍ପର୍କୀୟ ଭଉଣୀ ଖେଳିବା ପାଇଁ ଯାଇଥିଲେ । ସେମାନେ ଏକ ଖେତରେ ଖେଳୁଥିଲେ । ଖେଳୁଥିବା ବେଳେ ପାଖରେ ଥିବା ପୋଖରୀରେ ବୁଡ଼ି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଫଳରେ ଉଭୟେ ପ୍ରାଣ ହରାଇଥିଲେ । ଦୁଇ ଭଉଣୀଙ୍କ ବୟସ ୩ ଓ ୪ ବର୍ଷ ହେବ ବୋଲି ଜଣାପଡିଛି । ଏଦୁହିଁଙ୍କର ନାଆଁ ହେଲା ଶୁଭଶ୍ରୀ ବେସ୍ରା ଏବଂ ସୁକୁଲମୁନି ବେସ୍ରା।
କିଛି ସମୟପରେ ଉଭୟଙ୍କର ବାପା ମାଆ ସେମାନଙ୍କ ଝିଅକୁ ଖୋଜୁଥିବା ବେଳେ ଖେତରେ ମୃତଦେହକୁ ଉଦ୍ଧାର କରିଥିଲେ ତାଙ୍କର ତାଙ୍କର ଅଜା। ସେମାନଙ୍କୁ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ସେମାନଙ୍କର ପ୍ରାଣହାନି ଘଟିଥିବା ଜଣାଇଥିଲେ। ଏହି ଘଟଣା ସଂପର୍କରେ ଜାଣିବାପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାଯାଇଛି ।