ଦୁଇଟି ଟ୍ରେନ୍ ଯୋଗେ ଜଗନ୍ନାଥପୁର ରେଳ ଷ୍ଟେସନରେ ପହଞ୍ଚିଲେ ୨୩୮୧ଜଣ ପ୍ରବାସୀ ଓଡ଼ିଆ
ଛତ୍ରପୁର: ଚେନ୍ନାଇରୁ ଆଜି ଦୁଇଟି ଟ୍ରେନ୍ ଯୋଗେ ୨୩୮୧ଜଣ ପ୍ରବାସୀ ଓଡ଼ିଆ ଗଞ୍ଜାମ ଜିଲ୍ଲାର ଜଗନ୍ନାଥପୁର ରେଳ ଷ୍ଟେସନରେ ପହଞ୍ଚିଥିବା ଜଣାଯାଇଛି। ଏମାନଙ୍କ ଭିତରୁ ୧୨୦୦ ଜଣ ପ୍ରବାସୀ ଓଡ଼ିଆଙ୍କୁ ନେଇ ଏକ ଟ୍ରେନ୍ ଆଜି ସକାଳ ୮ଟା ୨୦ ମିନିଟ ସମୟରେ ଗଞ୍ଜାମ ଜିଲ୍ଲାର ଜଗନ୍ନାଥପୁର ରେଳ ଷ୍ଟେସନରେ ପହଞ୍ଚିଥିଲା। ଏମାନଙ୍କ ମଧ୍ୟରୁ ୬୪୭ ଜଣ ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରୁ ଥିବା ବେଳେ ୨୨ ଜଣ କନ୍ଧମାଳର, ୧୪ ଜଣ ଗଜପତି ଏବଂ ବାକି ୫୧୭ ଜଣ ଅନ୍ୟ ଜିଲ୍ଲାର ବାସିନ୍ଦା ବୋଲି ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ଏକ ଟ୍ରେନରେ ୧୧୮୧ ଜଣ ପ୍ରବାସୀ ଓଡ଼ିଆ ଆଜି ପୂର୍ବାହ୍ନ ୧୦ଟା ୪୦ ମିନିଟ ସମୟରେ ଗଞ୍ଜାମ ଜିଲ୍ଲାର ଜଗନ୍ନାଥପୁର ରେଳ ଷ୍ଟେସନରେ ପହଞ୍ଚିଥିଲେ। ଏଥିରେ ଗଞ୍ଜାମ ଜିଲ୍ଲାର ୧୧୫୦ ଜଣ, ବାଲେଶ୍ବର ଜିଲ୍ଲାର ୧୦ଜଣ, ପୁରୀ ଜିଲ୍ଲାର ୧୧ଜଣ, ଖୋର୍ଦ୍ଧା ଜିଲ୍ଲାର ୩ଜଣ ଓ ନୟାଗଡ଼ ଜିଲ୍ଲାର ୨ଜଣ ପ୍ରବାସୀ ଓଡ଼ିଆ ଆସିଥିବା ଜଣାଯାଇଛି।
ଏହା ବ୍ୟତୀତ ଗୁଜୁରାଟର ସୁରତ ଏବଂ ଆନ୍ଧ୍ରପ୍ରଦେଶର ରାୟନାପଡୁରୁ ଆଉ ଚାରିଟି ଟ୍ରେନ୍ ଆଜି ରାତି ସୁଦ୍ଧା ରାଜ୍ୟରେ ପହଞ୍ଚିବ। ଗତକାଲି ସୁରତ ଛାଡ଼ିଥିବା ତିନୋଟି ଟ୍ରେନ୍ ଜଗନ୍ନାଥପୁର ରେଳ ଷ୍ଟେସନରେ ପହଞ୍ଚିବ ଏବଂ ରୟନାପଡୁରୁ ଗୋଟିଏ ଟ୍ରେନ୍ ଆଜି ଟିଟିଲାଗଡ଼ରେ ପହଞ୍ଚିବ ବୋଲି ସୂଚନା ମିଳିଛି।
ଏଣେ ମେ ୧୨ ତାରିଖରୁ ଭାରତୀୟ ରେଳବାଇ ପ୍ରଥମ ପର୍ଯ୍ୟାୟରେ ୧୫ଯୋଡ଼ା ଯାତ୍ରୀବାହୀ ଟ୍ରେନ୍ ସେବା ଆରମ୍ଭ କରୁଛି।