ଚଣ୍ଡିଖୋଲ/ବଡ଼ଚଣା : ବେଆଇନ ଭାବେ ଚିପ୍ସ ବୋଝେଇ ହୋଇ ଯାଉଥିବା ଦୁଇଟି ଟ୍ରକ୍କୁ ଚଣ୍ଡିଖୋଲ ଛକ ନିକଟରୁ ଜବତ କରାଯାଇଛି। ଜବତ ଟ୍ରକ୍ରୁ ୧ ଲକ୍ଷ ୨୦ ହଜାର ଟଙ୍କା ଜରିମାନା ଆଦାୟ କରାଯାଇଛି। ସୂଚନା ମୁତାବକ, ବେଆଇନ ଭାବେ ଚିପ୍ସ ବୋଝେଇ କରି ଯାଉଥିବା ଦୁଇଟି ଟ୍ରକ୍ ଓଡି-୦୪ଓ-୫୩୮୯ ଏବଂ ଓଡି-୦୫ଏଡବ୍ଲ୍ୟୁ-୧୦୦୭ ଚଣ୍ଡିଖୋଲ ଛକ ଦେଇ କେନ୍ଦ୍ରାପଡ଼ା ଯାଉଥିବା ବେଳେ ଦର୍ପଣ ତହସିଲଦାର ପ୍ରଦୀପ କୁମାର ସେଠୀ, ଅତିରିକ୍ତ ତହସିଲଦାର ନିରଞ୍ଜନ ଗୁରୁ ଓ ବଡ଼ ଘୁମୁରୀ ଆରଆଇ ମାଧବାନନ୍ଦ ଆଇଚ ଗାଡ଼ିଗୁଡ଼ିକୁ ଅଟକାଇଥିଲେ। ଚାଳକ ଆବଶ୍ୟକ କାଗଜପତ୍ର ଦେଖାଇ ନପାରିବାରୁ ଗାଡ଼ିକୁ ଜବତ କରାଯାଇ ସେମାନଙ୍କ ଠାରୁ ଜରିମାନା ଆଦାୟ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଦୁଇ ଚିପ୍ସ ବୋଝେଇ ହାଇୱାକୁ ୯୪ ହଜାର ଜରିମାନା
କବାଟବନ୍ଧ: ଚଣ୍ତିଖୋଲ-ଡୁବୁରି ଜାତୀୟ ରାଜପଥରେ ଚିପ୍ସ ପରିବହନ କରୁଥିବା ଦୁଇଟି ହାଇୱାଠାରୁ ୯୩ ହଜାର ୭୮୦ ଟଙ୍କା ଜରିମାନା ଆଦାୟ କରାଯାଇଛି। ହାଇୱା (ଓଡି୦୪ଏମ୍ ୪୮୨୨) ଓ (ୟୁପି୬୫ ଡିଟି ୨୮୨୩)କୁ ଜେନାପୁର ପୁଲିସ ଅଟକାଇ ଆଞ୍ଚଳିକ ପରିବହନ ଅଧିକାରୀଙ୍କୁ ହସ୍ତାନ୍ତର କରିଥିଲେ। ଓଭରଲୋଡ୍ ତଥା ଆବଶ୍ୟକ କାଗଜପତ୍ର ନଥିବାରୁ ମୋଟରଯାନ ନିରୀକ୍ଷକଙ୍କ ପକ୍ଷରୁ ଏହି ଦୁଇ ଗାଡ଼ିକୁ ଜରିମାନା କରାଯାଇଥିବା ଜଣାଯାଇଛି।