କେନ୍ଦୁଝର: କରୋନାରେ ଦୁଇ ଯୁବତୀଙ୍କ ମୃତ୍ୟୁ, ଜିଲ୍ଳାରେ କରୋନା ମୃତ୍ୟୁସଂଖ୍ୟା ୧୫୩ରେ ପହଞ୍ଚିଲା
କେନ୍ଦୁଝର : ମହାମାରୀ କରୋନାରେ ଆଜି ଆଉ ୨ଜଣ ଯୁବତୀଙ୍କ ମୃତ୍ୟୁ ହୋଇଛି । ମୃତ୍ୟୁବରଣ କରିଥିବା ଯୁବତୀଙ୍କ ମଧ୍ୟରୁ ଜଣେ ସଦର ବ୍ଲକ ଅଞ୍ଚଳର ହୋଇଥିବା ବେଳେ ତାଙ୍କୁ ୨୫ ବର୍ଷ ହୋଇଥିଲା । ସେହିପରି ଅନ୍ୟ ଜଣେ ଯୁବତୀ ପାଟଣା ବ୍ଲକ ଅଞ୍ଚଳର ବୋଲି ଜଣାପଡ଼ିଛି। ଏହି ଦୁଇ ଜଣଙ୍କୁ ମିଶାଇ କେନ୍ଦୁଝର ଜିଲ୍ଳାରେ କରୋନା ମୃତ୍ୟୁସଂଖ୍ୟା ୧୫୩ରେ ପହଞ୍ଚିଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ଆଜି ଆଉ ୧୦ ଜଣ ନୂତନ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ୧୦ ଜଣଙ୍କୁ ମିଶାଇ ଜିଲ୍ଲାରେ କରୋନ ସଂକ୍ରମତିଙ୍କ ସଂଖ୍ୟା ୨୦ ହଜାର ୬୫୭ରେ ପହଞ୍ଚିଛି । ସେମାନଙ୍କ ମଧ୍ୟରୁ ୨୦ ହଜାର ୪୨୫ ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ ୭୯ ଜଣ ବିଭିନ୍ନ ସ୍ଥାନରେ ଚିକିତ୍ସିତ ହେଉଛନ୍ତି । ଗତ ୨୪ ଘଣ୍ଟା ମଧ୍ୟରେ ଜିଲ୍ଲାର ବିଭିନ୍ନ ସ୍ଥାନରେ ୨୧୪୬ ଜଣଙ୍କ କରୋନା ପରୀକ୍ଷା କରାଯାଇଥିଲା । ସେଥିମଧ୍ୟରୁ ୧୦ଜଣ ଚିହ୍ନଟ ହୋଇଥିଲେ। ଆଜି ଚିହ୍ନଟ ହୋଇଥିବା ୧୦ ଜଣଙ୍କ ମଧ୍ୟରୁ ଆନନ୍ଦପୁର ପୌରପାଳିକାରୁ ଜଣେ, ହାଟଡିହି ବ୍ଲକରୁ ୪ଜଣ, ଯୋଡ଼ା ପୌରପାଳିକାରୁ ଜଣେ, ସଦର ବ୍ଲକରୁ ୨ଜଣ, ତେଲକୋଇ ବ୍ଲକରୁ ୨ ଜଣ।