ରାଉରକେଲାର ଉଦିତନଗର ପ୍ୟାରେଡ଼ ପଡ଼ିଆରେ ଖୋଲିଲା ହୋଲସେଲ୍ ଦୋକାନ
ରାଉରକେଲା: କଣ୍ଟେନମେଣ୍ଟ ଜୋନର କଟକଣା ପାଇଁ ହୋଲସେଲ ଗୋଦାମରେ ତାଲା ଝୁଲୁଥିଲା l ଟନ୍ ଟନ୍ ଅତ୍ୟାବଶ୍ୟକ ସାମଗ୍ରୀ ଯେମିତି ଆଳୁ,ପିଆଜ, ଡାଲି, ଅଟା, ମଇଦା ଆଦି ସଢୁଥିଲା l ଏ ସମ୍ପର୍କିତ ଖବର ସମ୍ବାଦରେ ପ୍ରକାଶ ପାଇବା ପରେ ପ୍ରଶାସନର ଚେତା ପଶିଲା l ସହରବାସୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଆଜିଠୁ ଉଦିତନଗର ପଡ଼ିଆରେ ହୋଲସେଲ୍ ଦୋକାନ ଖୋଲିବାକୁ ଜିଲ୍ଲା ପ୍ରଶାସନ ଅନୁମତି ଦେଇଛନ୍ତି l
Sambad is now on WhatsApp
Join and get latest news updates delivered to you via WhatsApp
ପାଖାପାଖି ୨୦୦ ହୋଲସେଲ, ଖୁଚୁରା ଦୋକାନ ଖୋଲିବା ପାଇଁ ବ୍ୟବସ୍ଥା କରାଯାଇଛି। ଏହି ବଜାରରେ ମାଛ, ଆଳୁ, ପିଆଜ ସହ ବିଭିନ୍ନ ପନିପରିବା ମଧ୍ୟ ମିଳିବ। ଜିଲ୍ଲାପାଳଙ୍କ ନିର୍ଦେଶ ମୁତାବକ ସପ୍ତାହରେ କେବଳ ୩ ଦିନ ପାଇଁ ମାଛ ମାଂସ ଦୋକାନ ଖୋଲା ରହିବ। ପରିବା ଓ ରାସନ ହୋଲସେଲ ବଜାରଗୁଡ଼ିକ ରେଡ୍ ଜୋନରେ ଆସିବା ପରେ ଖୁଚୁରା ବେପାରୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ୁଥିଲା । ଉଦିତନଗର ପଡ଼ିଆରେ ଦୋକାନ ଖୋଲା ଯିବା ପରେ ଵ୍ୟଵସାୟୀଙ୍କୁ ଟିକେ ଆଶ୍ବସ୍ତି ମିଳିଛି l
ଆଜି ସକାଳେ ହୋଲସେଲ ତଥା ଖୁରୁରା ବ୍ୟବସାୟ କରୁଥିବା ଲୋକମାନେ ଦୋକାନ ଖୋଲି ରଖିଥିଲେ। ବହୁ ସଂଖ୍ୟାରେ ଲୋକେ ବିଭିନ୍ନ ସାମଗ୍ରୀ କ୍ରୟ କରୁଥିବା ଦେଖା ଯାଇଥିଲା l ଏହାସହ ସାମାଜିକ ଦୂରତ୍ୱକୁ ଦୃଷ୍ଟିରେ ରଖି ପୁଲିସ ମଧ୍ୟ ମୁତୟନ କରାଯାଇଥିଲା।