ୟୁଜିସି ପକ୍ଷରୁ ଦେଶର ସମସ୍ତ ଅଧ୍ୟକ୍ଷ ଓ କୁଳପତିଙ୍କୁ ଚିଠି : ଛାତ୍ରଛାତ୍ରୀଙ୍କ ରୋଗ ପ୍ରତିଷେଧକ ଶକ୍ତି ବୃଦ୍ଧି ପାଇଁ ପରାମର୍ଶ ଦିଅ
କରୋନା ମୁକାବିଲା ପାଇଁ ‘ଆରୋଗ୍ୟ ସେତୁ’
ଭୁବନେଶ୍ୱର : କରୋନାକୁ ନେଇ ସମଗ୍ର ଦେଶ ଲକ୍ଡାଉନ୍। ବିଶ୍ୱବିଦ୍ୟାଳୟ, ମହାବିଦ୍ୟାଳୟ ଓ ସ୍କୁଲଗୁଡିକ ବନ୍ଦ ରହିଛି। ଏଭଳି ସମୟରେ ଛାତ୍ରଛାତ୍ରୀଙ୍କୁ କରୋନା ମୁକାବିଲା ଓ ରୋଗ ପ୍ରତିଷେଧକ ବୃଦ୍ଧି ସମ୍ପର୍କରେ ଅବଗତ କରିବାକୁ ବିଶ୍ୱବିଦ୍ୟାଳୟ ଅନୁଦାନ ଆୟୋଗ(ୟୁଜିସି) ପକ୍ଷରୁ ସମସ୍ତ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କୁ ଅବଗତ କରାଯାଇଛି। ଏନେଇ ମହାବିଦ୍ୟାଳୟ ଅଧ୍ୟକ୍ଷ ଓ ବିଶ୍ୱବିଦ୍ୟାଳୟ କୁଳପତିଙ୍କୁ ୟୁଜିସି ସଚିବ ରଜନୀଶ ଜୈନ୍ ଚିଠି ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚିଠିରେ ଉଲ୍ଲେଖ କରାଯାଇଛି ଯେ, କାରୋନା ମୁକାବିଲା ପାଇଁ କେନ୍ଦ୍ର ଇଲୋଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରାଳୟ ‘ଆରୋଗ୍ୟ ସେତୁ’ ମୋବାଇଲ ଆପ୍ ପ୍ରସ୍ତୁତ କରିଛି। ଏହି ଆପ୍ ବ୍ୟବହାର ସମ୍ପର୍କରେ ଛାତ୍ରଛାତ୍ରୀ, ଅଧ୍ୟାପକ ଓ ସେମାନଙ୍କ ପରିବାରକୁ ଜଣାଅ। ଏହି ଆପ୍ ସମ୍ବନ୍ଧରେ ଶିକ୍ଷାନୁଷ୍ଠାନ କର୍ତ୍ତୃପକ୍ଷ ଛାତ୍ରଛାତ୍ରୀ ଓ ଅଧ୍ୟାପକଙ୍କୁ ସୂଚନା ପ୍ରଦାନ କରିବାକୁ ପରାମର୍ଶ ଦିଆଯାଇଛି।
ସେହିପରି ଶରୀରର ରୋଗ ପ୍ରତିଷେଧକ ଶକ୍ତି ବୃଦ୍ଧି ପାଇଁ କେନ୍ଦ୍ର ଆୟୁଷ ମନ୍ତ୍ରଣାଳୟ ପକ୍ଷରୁ ସ୍ୱତନ୍ତ୍ର ନିୟମାବଳୀ ପ୍ରସ୍ତୁତ କରାଯାଇଛି। ଏହାକୁ ଛାତ୍ରଛାତ୍ରୀ, ଅଧ୍ୟାପକ ଓ ସେମାନଙ୍କର ପରିବାର ସଦସ୍ୟ ନିୟମିତ ଭାବେ ପାଳନ କଲେ ସେମାନଙ୍କର ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଁ ଉଷୁମ କ୍ଷୀର ମିଶାଇ ପିଇବା ଭଳି ବିଭିନ୍ନ ପ୍ରକାରର ସୂଚନା ପ୍ରଦାନ କରାଯାଇଛି। ଏ ସମ୍ପର୍କରେ ଶିକ୍ଷାନୁଷ୍ଠାନ କର୍ତ୍ତୃପକ୍ଷ ଯେତେଦୂର ସମ୍ଭବ ଅଧ୍ୟାପକ ଓ ବିଦ୍ୟାର୍ଥୀଙ୍କୁ ଅବଗତ କରାଇବାକୁ କୁହାଯାଇଛି।