ରୋଗ ଯନ୍ତ୍ରଣା ସହି ନପାରି ଜୀବନ ହାରିଲେ
ଜଳେଶ୍ବର: ବାଲେଶ୍ବର ଜିଲ୍ଲା ଜଳେଶ୍ବର ଥାନା ଅଧୀନ ଗୋପୀମୋହନପୁର ପଞ୍ଚାୟତ ମହିଷାମୁଣ୍ଡା ଗ୍ରାମର ଜଣେ ଯୁବକ ରୋଗ ଜ୍ବାଳା ସହି ନ ପାରି ଫାଶୀ ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି। ଯୁବକ ଜଣକ ହେଉଛନ୍ତି; କାହ୍ନୁ ସୋରେନ (୪୫)। କାହ୍ନୁ ଗତ କିଛି ବର୍ଷ ଧରି ଗୁରୁତର ପେଟ ରୋଗରେ ପୀଡ଼ିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ଚିକିତ୍ସା ବାବଦରେ ବହୁ ଟଙ୍କା ଖର୍ଚ୍ଚ କରୁଥିଲେ ମଧ୍ୟ ରୋଗ ଭଲ ହେଉ ନ ଥିଲା। ସେ ଅସହ୍ୟ ଯନ୍ତ୍ରଣା ଭୋଗୁଥିଲେ। ଏପରି ସମୟରେ ଗତକାଲି ଅପରାହ୍ନ ୫ଟାରୁ କାହ୍ନୁ ଘରୁ ହଠାତ୍ ବାହାରି ଆସିଥିଲେ। ଘର ଲୋକ ଖୋଖୋଜି କରିଥିଲେ ବି ପାଇ ନ ଥିଲେ। ସୋମବାର ପୂର୍ବାହ୍ନ ୧୦ଟାରେ ଛ’ମୌଜ ଚାରିମାଣିଆ ପୋଖରୀ ନିକଟରେ ସ୍ଥାନୀୟ ଲୋକ କାହ୍ନୁ ଗାମୁଛାରେ ଫାଶୀ ଲଗାଇ ଏକ ଗଛରେ ଝୁଲୁଥିବା ଦେଖିଥିଲେ। ଏନେଇ ତାଙ୍କ ଘର ଲୋକ ଓ ପୁଲିସକୁ ଖବର ଦିଆଯାଇଥିଲା। ପୁଲିସ ଶବ ବ୍ୟବଚ୍ଛେଦ ପାଇଁ ପଠାଇଛି। ସୂଚନା ଥାଉକି କାହ୍ନୁଙ୍କ ୩ ଜଣ ଝିଅ, ଜଣେ ପୁଅ ଓ ପତ୍ନୀ ଅଛନ୍ତି।