କେନ୍ଦୁଝର ଜିଲ୍ଲା କାରାଗାରରେ ଜଣେ ବିଚାରାଧୀନ କଏଦୀଙ୍କ ମୃତ୍ୟୁ
କେନ୍ଦୁଝର : କେନ୍ଦୁଝର ଜିଲ୍ଲା କାରାଗାରରେ ଜଣେ ବିଚାରାଧୀନ କଏଦୀଙ୍କ ଜେଲ ଭିତରେ ୮ ନମ୍ବର ୱାର୍ଡରେ ଖସି ପଡ଼ିବାରୁ ମୃତ୍ୟୁ ହୋଇଛି। ମୃତ କଏଦୀଙ୍କ ନାମ କୀର୍ତ୍ତନ କିଷାନ(୬୭) ଏବଂ ତାଙ୍କ ଘର ତେଲକୋଇ ଥାନା କାଳିମା ଗାଁରେ । ୨୦୧୮ ଡିସେମ୍ବର ୧୨ତାରିଖରେ ଜ୍ୱାଇଁଙ୍କୁ ହତ୍ୟା ଅଭିଯୋଗରେ ବିଚାରାଧୀନ କଏଦୀ ଭାବେ କେନ୍ଦୁଝର ଜିଲ୍ଲା କାରାଗାରରେ ଥିଲେ ।
Sambad is now on WhatsApp
Join and get latest news updates delivered to you via WhatsApp
ଶନିବାର ସକାଳ ସମୟରେ ଚା ପିଇବାକୁ ଗ୍ଲାସ ନେଉଥିବା ବେଳେ ଗୋଡ ଖସି ଯିବାରୁ ପଡିଯାଇ ମୁଣ୍ଡ ପଛପଟ କାନ୍ଥରେ ମାଡ଼ ହୋଇଥିଲା । ବାମପଟ ମୁଣ୍ଡରୁ ରକ୍ତ ବାହାରୁଥିବାରୁ ସେଠାରୁ ତାଙ୍କୁ ମୁଖ୍ୟ ଡାକ୍ତରଖାନାକୁ ୬ଟା ୨୫ ମିନିଟ ସମୟରେ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଟାଉନ ପୁଲିସ ଅପମୃତ୍ୟୁ ମାମଲା (କେସ ନଂ ୭୬) ରୁଜୁ କରି ତଦନ୍ତ କରୁଛି। ମାଜିଷ୍ଟ୍ରେଟଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଏହି ମାମଲାରେ ତାଙ୍କ ସ୍ତ୍ରୀ ଗୁମତି କିଷାନ ଓ ପୁଅ ରମେଶ କିଷାନ ବିଚାରଧିନ କଏଦୀ ଭାବେ ଜେଲରେ ଅଛନ୍ତି । ଅନ୍ୟ ଜଣେ ପୁଅ ଗଦାଧର କିଷାନ ଜାମିନରେ ଯାଇଥିବା ଜଣାପଡିଛି ।