କୋଣାର୍କରୁ କାରୁକାର୍ଯ୍ୟ ପୂର୍ଣ୍ଣ ପଥର ଗାଏବ ଘଟଣା ନେଇ ଦିଲ୍ଲୀରେ କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ବୈଠକ : ଯୋଗଦେବେ ରାଜ୍ୟ ସଂସ୍କୃତି ମନ୍ତ୍ରୀ
ଭୁବନେଶ୍ବର: କୋଣାର୍କ ମନ୍ଦିରରୁ କଳା କାରୁକାର୍ଯ୍ୟରେ ପୂର୍ଣ୍ଣ ପଥର ଗାଏବ ହୋଇଯିବା ଘଟଣା ସମଗ୍ର ରାଜ୍ୟରେ ହଇଚଇ କରିଥିଲା। ଏହାପରେ କୋଣାର୍କ ମନ୍ଦିର ଭୂକମ୍ପରେ ଭୁଶୁଡ଼ି ପଡ଼ିବା ଅାଶଙ୍କା ଥିବା କଥା ଜଣାପଡ଼ିଥିଲା। ଏହାକୁ ରାଜ୍ୟରେ ଜୋର ଧରିଥିଲା ରାଜନୀତି । କୋଣାର୍କ ମନ୍ଦିରରେ କାରୁକାର୍ଯ୍ୟପୂର୍ଣ୍ଣ ପଥର ଲାଗିବା ବଦଳରେ ସାଦା ପଥର ଲାଗିବା ପ୍ରସଙ୍ଗରେ କେନ୍ଦ୍ର ସଂସ୍କୃତି ମନ୍ତ୍ରୀ ମହେଶ ଶର୍ମା ଆସନ୍ତା ୨୮ ତାରିଖରେ ଦିଲ୍ଲୀରେ ବୈଠକ ଡାକିଛନ୍ତି । ଏଥିରେ ରାଜ୍ୟ ସଂସ୍କୃତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଓ କୋଣାର୍କ ମନ୍ଦିର ଅଞ୍ଚଳର ସ୍ଥାନୀୟ ଦୁଇ ବିଧାୟକ ଯୋଗ ଦେବେ ବୋଲି ଆଜି ସୂଚନା ମିଳିଛି। ମନ୍ତ୍ରୀ ଅଶୋକ ପଣ୍ଡା ଏହାକୁ ସ୍ପଷ୍ଟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟରେ ବରୁଣେଇରେ ପାଇକ ସ୍ମାରକୀର ଗୋଟିଏ ପ୍ରକଳ୍ପ ଓ ହରିଶଙ୍କର-ନୃସିଂହନାଥ- ରାଣୀପୁର ସର୍କିଟ୍ ବିକାଶ ପାଇଁ ରାଜ୍ୟ ସରକାର କେନ୍ଦ୍ରକୁ ବିସ୍ତୁୃତ ପ୍ରକଳ୍ପ ରିପୋର୍ଟ ବା ଡିପିଆର ପଠାଇଥିଲେ ବି ତାହା ଏପର୍ଯ୍ୟନ୍ତ ଅନୁମୋଦନ ପାଇଲା ନାହିଁ ବୋଲି ମନ୍ତ୍ରୀ କ୍ଷୋଭ ପ୍ରକାଶ କରିଛନ୍ତି । କେନ୍ଦ୍ର ସରକାର ଖୁବ୍ ଶୀଘ୍ର ଏ ନେଇ ପଦକ୍ଷେପ ନେବା ଆବଶ୍ୟକ ବୋଲି ସେ କହିଛନ୍ତି ।