ସର୍ବଭାରତୀୟ ମାରୱାଡୀ ଯୁବ ମଂଚର ସ୍ବାସ୍ଥ୍ୟ ଶିବିର

ଜୟପୁର: ଆଜି ସ୍ଥାନୀୟ ଅଗ୍ରସେନ ଭବନ ପରିସରରେ ସର୍ବଭାରତୀୟ ମାରୱାଡୀ ଯୁବ ମଂଚ ପକ୍ଷରୁ ମାଗଣା ମେଗା ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ବିଶାଖାପାଟଣା ଅନୁ ଗୃଫ ଅଫ ହସ୍ପିଟାଲର ଅସ୍ଥିଶଲ୍ୟ ବିଶେଷଞ ଡ.ଶ୍ରୀନିବାସ ଗୋଲାଙ୍ଗୀ, କାର୍ଡିଓଲୋଜୀ ବିଶେଷଞ ଡ.ପାଉଲ କିରଣ, ମହାତ୍ମାଗାନ୍ଦୀ କ୍ୟାନସର ହସ୍ପିଟାଲର ସର୍ଜିକାଲ ଓନକ‌ୋଲୋଜୀ  ବିଶେଷଞ ଡ.ଶିବଶଙ୍କର ବେଉରିଆ, ଭେଷଜ ବିଶେଷଞ ଡ.ପ୍ୟାଲା ସାଇ ଶେଖର, ଦନ୍ତ ବିଶେଷଞ ଡ.ଦେବରଚନ, ଇମ୍ୟୁନି କନସଲଟାଣ୍ଟର ସୁରେଶ ୟଗାଡ଼ି, ବରଲକ୍ଷ୍ମୀ ପ୍ରମୁଖ ଭାଗ ନେଇ ୧୪୫ଜଣ ବିଭିନ୍ନ ରୋଗୀଙ୍କର ପରୀକ୍ଷା କରିବା ସହ ଚିକିତ୍ସା ପରାମର୍ଶ ଦେଇଥିଲେ।

ଏହି ଶିବିରରେ ଅତିଥି ଭାବେ ଯୋଗ ଦେବାକୁ ଆସିଥିବା ଜୟପୁର ବିଧାୟକ ତାରାପ୍ରସାଦ ବାହିନୀପତି ଓ କେସିସି ବ୍ୟାଙ୍କ ସଭାପତି ଇଂ.ଇଶ୍ବର ଚନ୍ଦ୍ର ପାଣିଗ୍ରାହୀ ନିଜ ନିଜ ସ୍ବାସ୍ଥ୍ୟ ସମସ୍ୟା ସଂପର୍କରେ ଡାକ୍ତରଙ୍କୁ ଅବଗତ କରି ପରୀକ୍ଷା କରାଇଥିଲେ। ଏଥିରେ ଅନ୍ୟତମ ଅତିଥି ଭାବେ ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ, ବିଜେପି ମହିଳା ମୋର୍ଚ୍ଚା ସଭାନେତ୍ରୀ ଅଂଜଳି ମିଶ୍ର, ବିଜେଡି ନେତା ହିମାଂଶୁ ମହାପାତ୍ର, ସୁବାସ ରାଉତ, ପୂର୍ବତନ ପୌର ଉପାଧ୍ୟକ୍ଷ ମୁନ୍ନା ରଥ , ବରିଷ୍ଠ ଆଇନଜୀବୀ ବିରେଶ ପଟ୍ଟନାୟକ ପ୍ରମୁଖ ଭାଗ ନେଇଥିଲେ। ଶିବିରକୁ ସଂଯୋଜକ ରୋଶନ ଗୋୟଲ, ବିକ୍ରମ ଜୈନ, ସଭାପତି ବରୁଣ ଜୈନ, ସଂପାଦକ ସଂଜୟ ଅଗ୍ରୱାଲ, ଉପସଭାପତି କାହ୍ନା ଅଗ୍ରୱାଲଙ୍କ ସହ ମଂଚର ସଦସ୍ୟ ମାନେ ପରିଚାଳନା କରିଥିଲେ।