ସ୍ୱତନ୍ତ୍ର ଉନ୍ନୟନ ପରିଷଦ ଗଠନକୁ ରିଟ୍ଵିଟ୍ କଲା ମିଳିତ ଜାତିସଂଘ
ଭୁବନେଶ୍ୱର : ଓଡ଼ିଶା ସରକାର ଗତକାଲି ଜନଜାତିମାନଙ୍କ ପାଇଁ ସ୍ୱତନ୍ତ୍ର ଉନ୍ନୟନ ପରିଷଦ ଗଠନ କରିଥିଲେ। ଉତ୍କଳ ମଣ୍ଡପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍ଘାଟନ କରିଥିଲେ। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏହି ଉଦ୍ଘାଟନ ସୂଚନା ଓ ଫଟୋ ଟ୍ଵିଟ୍ କରାଯାଇଥିଲା। ଆଜି ମିଳିତ ଜାତିସଂଘ(ୟୁଏନ୍ଓ) ପକ୍ଷରୁ ଏହାର ରିଟ୍ଵିଟ୍ କରାଯାଇଛି। ୟୁଏନ୍ଓ ପକ୍ଷରୁ ଖୁବ୍ କମ୍ ସରକାରୀ କାର୍ଯ୍ୟକ୍ରମର ରିଟ୍ଵିଟ୍ କରାଯାଏ। ସ୍ୱତନ୍ତ୍ର ଉନ୍ନୟନ ପରିଷଦ ଗୁରୁତ୍ୱ ବହନ କରୁଥିବାରୁ ୟୁଏନ୍ଓ ପକ୍ଷରୁ ଏହାକୁ ରିଟ୍ଵିଟ୍ କରାଯାଇଥିବା କୁହାଯାଉଛି।