ସମ୍ବଲପୁର : ବୁଧବାର ସମ୍ବଲପୁର ଜିଲ୍ଲାରେ ଟିକାକରଣ ୨ ଲକ୍ଷ ଟପିଛି। ଜିଲ୍ଲାରେ ବୁଧବାର ଦିଆ ଯାଇଥିବା ୪୯୫୮ ଡୋଜ୍ ଟିକାକୁ ମିଶାଇ ମୋଟ ୨ ଲକ୍ଷ ୨ ହଜାର ୩୬୮ ଡୋଜ୍ ଟିକା ଦିଆ ସରିଛି।
Sambad is now on WhatsApp
Join and get latest news updates delivered to you via WhatsApp
ସରକାରୀ ସୂତ୍ରରୁ ମିଳିଥିବା ତଥ୍ୟ ଅନୁଯାୟୀ ମଙ୍ଗଳବାର ୧୮ ତାରିଖ ସୁଦ୍ଧା ସମ୍ବଲପୁର ଜିଲ୍ଲାରେ ମୋଯ ୧ ଲକ୍ଷ ୯୭ ହଜାର ୩୬୮ ଡୋଜ୍ ଟିକା ଦିଆ ଯାଇଥିଲା। ବୁଧବାର ୧୮ ବର୍ଷରୁ ଊର୍ଧ୍ବ ବର୍ଗର ୩୫୨୦ ଜଣଙ୍କୁ, ୪୫ ବର୍ଷରୁ ଅଧିକ ବୟସ୍କ ୧୧୪୧ ଜଣଙ୍କୁ ଓ ସମ୍ମୁଖ କରୋନା ଯୋଦ୍ଧା ୨୯୭ ଜଣଙ୍କୁ ଟିକା ଦିଆଯାଇଛି। ଫଳରେ ଜିଲ୍ଲାରେ ମୋଟ କୋଭିସିଲ୍ଡ ଡୋଜ୍ ସଂଖ୍ୟା ୨ ଲକ୍ଷ ଅତିକ୍ରମ କରିଛି। ୧୮ ତାରିଖ ସୁଦ୍ଧା ଦିଆ ଯାଇଥିବା ୧,୯୭,୪୧୦ ଡୋଜ୍ରୁ ୧,୫୫,୬୮୦ ପ୍ରଥମ ଓ ୪୧,୭୩୦ ଦ୍ବିତୀୟ ଡୋଜ୍ ଟିକା ଦିଆ ଯାଇଛି। ଏହି ଟିକା ନେଇଥିବା ଲୋକଙ୍କ ଭିତରେ ୧୮ରୁ ୩୦ ବର୍ଷ ଯୁବଗୋଷ୍ଠୀର ୧୩,୫୯୭ ଜଣ, ୩୦-୪୫ ବର୍ଷ ବର୍ଗର ୧୮୪୨୯ ଜଣ, ୪୫-୬୦ ବର୍ଷ ବୟସ୍କ ୬୩,୪୫୪ ଜଣ ଓ ୬୦ ବର୍ଷରୁ ଅଧିକ ବର୍ଗର ୬୦,୧୮୩ ଜଣ ସାମିଲ ଅଛନ୍ତି। ୧୮ ତାରିଖ ସୁଦ୍ଧା ଜିଲ୍ଲାର ୭୧,୦୯୦ ଜଣ ମହିଳା ଓ ୮୪,୫୭୪ ଜଣ ମହିଳା ଅତି କମ୍ରେ ଗୋଟିଏ ଡୋଜ୍ ଟିକା ନେଇ ସାରିଛନ୍ତି। ସେମାନଙ୍କ ମଧ୍ୟରୁ ୪୧,୭୩୦ ଜଣ ଦ୍ବିତୀୟ ଡୋଜ୍ ବି ସଂପୂର୍ଣ୍ଣ କରିଛନ୍ତି।
ଜିଲ୍ଲାରେ ୫୨ଟି ସରକାରୀ ଓ ୫ଟି ଘରୋଇକୁ ମିଶାଇ ମୋଟ ୫୭ଟି କେନ୍ଦ୍ରରେ ଟିକାକରଣ ଅଭିଯାନ ଚାଲିଛି। ବର୍ତ୍ତମାନ ସମ୍ବଲପୁର ମହାନଗର ନିଗମ ଅଞ୍ଚଳରେ ୧୮ ବର୍ଷରୁ ଊର୍ଧ୍ବ ଯୁବଗୋଷ୍ଠୀଙ୍କ ଟିକାକରଣ କରା ଯାଉଥିବା ବେଳେ ୧୮ଟି କେନ୍ଦ୍ର ଖୋଲା ଯାଇ ଏହାକୁ ବ୍ୟାପକ କରାଯାଇଛି।