ଆଜି ୭୬୬ ଅଧିବେଶନରେ ଟିକାକରଣ
ଭୁବନେଶ୍ବର : ରାଜ୍ୟରେ ଆଜି ୪୨୬ ଅଧିବେଶନରେ ଟିକାକରଣ ହେବା ପରେ ଆସନ୍ତାକାଲି ଟିକାକରଣ ଅବଧି ବଢ଼ିଛି। ଆସନ୍ତାକାଲି ୭୬୬ ଅଧିବେଶନରେ ଟିକାକରଣ କରାଯିବା ନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟରେ ଆଜି ୧୮-୪୪ବର୍ଗର ୧୫,୩୬୫ ଜଣଙ୍କୁ ପ୍ରଥମ ଓ ୭୧୪୯ଜଣଙ୍କୁ ଦ୍ବିତୀୟ ଡୋଜ୍ ଟିକା ଦିଆଯାଇଥିଲା। ସେହିପରି ୪୫ବର୍ଷରୁ ଅଧିକ ୨୨,୪୩୯ଜଣ ପ୍ରଥମ ଓ ୫୬୦୮ଜଣ ଦ୍ବିତୀୟ ଡୋଜ୍ ନେଇଥିଲେ। ଏହାକୁ ମିଶାଇ ରାଜ୍ୟରେ ସମୁଦାୟ ଟିକାକରଣ ୮୬ଲକ୍ଷ ୯୮ହଜାର ୧୦୫କୁ ବୃଦ୍ଧି ପାଇଛି। ରାଜ୍ୟରେ ୨୨ଟି ଜିଲ୍ଲାର ୧୮-୪୪ବର୍ଗ ଜନସ୍ବାସ୍ଥ୍ୟର ୫୭ ପ୍ରତିଶତ ଅର୍ଥାତ୍ ୯ଲକ୍ଷ ୮୩ହଜାର ୫୫୩ ଜଣ ପ୍ରଥମ ଡୋଜ୍ ନେଇ ସାରିଲେଣି। ସେହିପରି ୪୫ ବର୍ଷରୁ ଅଧିକ ୪୭ ପ୍ରତିଶତ ବା ୫୪ ଲକ୍ଷ ୫୬ହଜାର ୪୭୭ଜଣ ପ୍ରଥମ ଓ ୧୧ଲକ୍ଷ ୨୮ହଜାର ୫୪୩ଜଣ ଦ୍ବିତୀୟ ଡୋଜ୍ ନେଇଛନ୍ତି। ସେହିପରି ରାଜ୍ୟରେ ପଞ୍ଜୀକୃତ ସ୍ବାସ୍ଥ୍ୟକର୍ମଙ୍କ ମଧ୍ୟରୁ ୯୯ପ୍ରତିଶତ ପ୍ରଥମ ଓ ୮୯ ପ୍ରତିଶତ ଦ୍ବିତୀୟ ଡୋଜ୍ ନେଇଥିବା ବେଳେ ଆଗଧାଡ଼ିର ଯୋଦ୍ଧାଙ୍କ ମଧ୍ୟରେ ୧୩୩ ପ୍ରତିଶତ ଓ ୯୪.୫ ପ୍ରତିଶ ଦ୍ବିତୀୟ ଡୋଜ୍ ନେଇସାରିଲେଣି।