ଖୋର୍ଦ୍ଧା: କରୋନା ସଂକ୍ରମଣ ପୁଣି ଦ୍ରୁତଗତିରେ ବଢ଼ୁଛି । ଏହାକୁ ଦୃଷ୍ଟିରେ ରଖି ଜିଲ୍ଲାର ପ୍ରାଥମିକ ଶିକ୍ଷକଙ୍କୁ ପ୍ରଥମସ୍ତର କରୋନା ଯୋଦ୍ଧା ଓ ସ୍ୱାସ୍ଥ୍ୟ ସେବାକର୍ମୀଙ୍କ ଭଳି କରୋନା ଟିକା ପ୍ରଦାନ କରିବାକୁ ସଂଘ ପକ୍ଷରୁ ଦାବି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଏନେଇ ଜିଲ୍ଲାପାଳଙ୍କୁ ଅଲ୍ ଉକ୍ରଳ ପ୍ରାଥମିକ ଶିକ୍ଷକ ସଂଘ ଖୋର୍ଦ୍ଧା ଜିଲ୍ଲା ଶାଖା ପକ୍ଷରୁ ଏକ ସ୍ମାରକପତ୍ର ଦିଆଯାଇଛି । ସ୍ମାରକପତ୍ର ଦେବା ପରେ ସଂଘର ସଭାପତି ଯୁଧିଷ୍ଠିର ସାହୁ କହିଛନ୍ତି ଯେ ପ୍ରଥମ ଲହର ବେଳେ ବିଭିନ୍ନ ସ୍କୁଲର ପ୍ରାଥମିକ ଶିକ୍ଷକମାନେ ତୃଣମୂଳ ସ୍ତରରେ ନିଷ୍ଠାର ସହ କାମ କରି ଏହାର ନିୟନ୍ତ୍ରଣ ପାଇଁ ସହଯୋଗ କରିଥିଲେ । ଦ୍ୱିତୀୟ ଲହର ଦ୍ରୁତ ଗତିରେ ବଢ଼ୁଛି ଏହା ସହ ପୁଣିଥରେ ଶିକ୍ଷକଙ୍କୁ ଗାଁଗହଳିରେ କରୋନା ନିୟନ୍ତ୍ରଣ, ସଚେତନ ସହ ଅନ୍ୟ ସରକାରୀ କାମରେ ନିୟୋଜିତ କରାଯାଉଛି । ଏହାକୁ ଦୃଷ୍ଟିରେ ରଖି ସମସ୍ତ ପ୍ରାଥମିକ ଶିକ୍ଷକଙ୍କୁ କରୋନା ଟିକା ପ୍ରଦାନ କରାଯାଉ । ଦାବିପତ୍ର ପ୍ରଦାନ ବେଳେ ଅନ୍ୟମାନଙ୍କ ମଧ୍ୟରେ ସମ୍ପାଦକ ଅମୀୟ କୁମାର ପରିଡ଼ା ଓ ସଂଘର ଅନ୍ୟ ଶିକ୍ଷକ ସଦସ୍ୟ ଉପସ୍ଥିତ ଥିଲେ ।