ଜଳେଶ୍ୱର : କାଳବୈଶାଖୀ ଯୋଗୁଁ ପୁଣି ଟ୍ରାକ୍ରେ ଅଟକିଛି ବନ୍ଦେ ଭାରତ ଏକ୍ସପ୍ରେସ। ଆଜି ଅପରାହ୍ନରେ ଝଡ଼ତୋଫାନ ଯୋଗୁ ବାଲେଶ୍ବର ଜିଲ୍ଲା ଜଳେଶ୍ବର ସହର ଉପକଣ୍ଠ ଶାନ୍ତିଆ ମୌଜା ଦେଇ ଯାଇଥିବା ରେଳଲାଇନ୍ ଉପରେ ଉପୁଡ଼ି ପଡ଼ିଥିଲା ଏକ ବଡ଼ଗଛ। ଏହିସମୟରେ ପୁରୀରୁ ହାୱାଡ଼ା ଅଭିମୁଖେ ବିଳମ୍ବରେ ଚାଲୁଥିବା ବନ୍ଦେ ଭାରତ ଜଳେଶ୍ୱର ଷ୍ଟେସନ୍ରେ ସନ୍ଧ୍ୟା ୬ଟା ୪୫ ମିନିଟ୍ରେ ପହଞ୍ଚିଥିଲା। ରେଳଲାଇନ୍ ଉପରେ ଗଛ ପଡ଼ିଥିବାରୁ ଜଳେଶ୍ବର ଷ୍ଟେସନ୍ କର୍ତ୍ତୃପକ୍ଷ ଟ୍ରେନ୍କୁ ସେଠାରେ ଅଟକାଇ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଶାନ୍ତିଆ ଅଞ୍ଚଳର କିଛି ଯୁବକ ରେଳଲାଇନ୍ ଉପରୁ ଗଛ କାଟି ସଫା କରିବା ପରେ ଟ୍ରେନ୍ଟି ୭ଟା ୫ ମିନିଟ୍ରେ ପୁଣି ଯାତ୍ରା ଆରମ୍ଭ କରିଥିଲା। ସେହିପରି ଗଛ ପଡ଼ିବା ଯୋଗୁ ଫାଲକନାମା ଓ ନୀଳାଚଳ ଏକ୍ସପ୍ରେସ୍ ମଧ୍ୟ ବିଳମ୍ବରେ ଚାଲିଥିବା ଜଳେଶ୍ୱର ଷ୍ଟେସନ୍ ମ୍ୟାନେଜର ଖଗେନ୍ଦ୍ରନାଥ ମଣ୍ଡଳ ସୂଚନା ଦେଇଛନ୍ତି।