କଳିଙ୍ଗନଗରରେ ନକଲି ସିମେଣ୍ଟ କାରଖାନା; ୪ ଗିରଫ
ଦାନଗଦୀ: କଳିଙ୍ଗନଗର ଥାନା ଅନ୍ତର୍ଗତ ଗୋଲାଗାଁ ନିକଟରେ ଏକ ନକଲି ସିମେଣ୍ଟ କାରଖାନାକୁ ପୁଲିସ ଗତକାଲି ରାତିରେ ଠାବ କରିଛି l ଟ୍ରକରେ ବୋଝେଇ କରାଯାଉଥିବା ବେଳେ ୨୦୦ ବସ୍ତାରୁ ଅଧିକ ନକଲି ଅଲଟ୍ରାଟେକ୍ ସିମେଣ୍ଟ ପୁଲିସ ଜବତ କରିଛି l ଏହି ଘାଟଣାରେ କଳିଙ୍ଗନଗର ପୁଲିସ କାରଖାନାର ସୁପରଭାଇଜର, ମାଲିକ, ଟ୍ରକ ଡ୍ରାଇଭର,ଟ୍ରକ ମାଲିକ ପ୍ରଭୃତି ୪ଜଣଙ୍କୁ ଥାନାରେ ଅଟକ ରଖି ଜେରା କରୁଛି l ତଦନ୍ତରେ ବାଧା ଉପୁଜିବା ଆଶଙ୍କାରେ ପୁଲିସ ଅଟକ ବ୍ୟକ୍ତିଙ୍କ ନାଁ ସ୍ପଷ୍ଟ କରୁନି। ତେବେ ମୁଖ୍ୟ କାର୍ପଟଦାରକୁ ଖସାଇ ଦେବାକୁ ପୁଲିସ ଉପରେ ଚାପ ପଡୁଥିବା ସାଧାରଣରେ ଚର୍ଚ୍ଚା ଜୋର ଧରିଛି l
Sambad is now on WhatsApp
Join and get latest news updates delivered to you via WhatsApp
ଏଠାରେ ଉଲ୍ଲେଖଯୋଗ୍ୟ ଯେ, ୧ ବର୍ଷରୁ ଅଧିକ ସମୟ ହେଲା ଏହି ନକଲି ସିମେଣ୍ଟ କାରଖାନା ଗୋଲଗାଁ ନିକଟରେ ଚାଲିଥିଲା l ପୁଲିସ କୌଣସି ସୂତ୍ରରୁ ଖବର ପାଇ ଗତକାଲି ରାତିରେ ଚଢ଼ଉ କରିଥିଲା। ଏଠାରେ ଏକ ପୁରୁଣା ରାଇସ ମିଲ ମେସିନ୍କୁ ବ୍ୟବହାର କରାଯାଇ ନଷ୍ଟ ହୋଇଯାଇଥିବା ମୁଣ୍ଡା ସିମେଣ୍ଟକୁ ଗୁଣ୍ଡ କରାଯାଇ ଅଲଟ୍ରାଟେକ୍ ନାମ ଲେଖାଥିବା ବସ୍ତାରେ ଭର୍ତ୍ତି କରି ବିକ୍ରି କରାଯାଉଥିବା ପୁଲିସ ଜାଣିବାକୁ ପାଇଛି। ଏହି ନକଲି ସିମେଣ୍ଟକୁ ଅସଲି ସିମେଣ୍ଟ ଠାରୁ ମାତ୍ର ୨୦ ରୁ ୩୦ ଟଙ୍କା କମ ମୂଲ୍ୟରେ ବିକ୍ରି କରାଯାଉଛି।