ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କ.ନୂଆଗାଁ ବନାଞ୍ଚଳ ଅଧିକାରୀଙ୍କ ଘରେ ଭିଜିଲାନ୍ସ ଚଢ଼ାଉ
କ.ନୂଆଗାଁ: କନ୍ଧମାଳ ଜିଲ୍ଲାର କ.ନୂଆଗାଁ ବନାଞ୍ଚଳ ଅଧିକାରୀଙ୍କ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ପକ୍ଷରୁ ଚଢ଼ାଉ ହୋଇଥିବାର ଖବର ମିଳିଛି। କନ୍ଧମାଳ ଜିଲ୍ଲା କ.ନୂଆଗାଁ ବନାଞ୍ଚଳ ଅଧିକାରୀଙ୍କ ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କ ଘରେ ଓ ଅନ୍ୟ ସ୍ଥାନରେ ଭିଜିଲାନ୍ସ ଚଢ଼ାଉ କରିଛି। ଆଜି ଡିଏସପି ଅରୁଣ କୁମାର ନାୟକଙ୍କ ନେତୃତ୍ୱରେ କ.ନୂଆଗାଁ ବନାଞ୍ଚଳ ଅଧିକାରୀ ବୈରାଗୀ ଚରଣ ବେହେରାଙ୍କର ବିଭିନ୍ନ ସ୍ଥାନରେ ଏକ ସମୟରେ ଚଢ଼ାଉ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
କ.ନୂଆଗାଁ ଫରେଷ୍ଟ ରେଞ୍ଜ ଅଫିସ ଓ ସରକାରୀ ବାସଭବନ ଉପରେ ଚଡ଼ାଉ କରିଥିଲେ। ସେହିପରି ଅନ୍ୟ ତିନୋଟି ସ୍ଥାନ ଭଞ୍ଜନଗର ସ୍ଥିତ ଲଣ୍ଡେଇ ସାହିର ବାସଗୃହ, ଦଦରାଲୁଣ୍ଡା ଫାର୍ମହାଉସ ଓ ଭଞ୍ଜନଗରସ୍ଥିତ ଲଣ୍ଡେଇ ସାହି, ଦଦରାଲୁଣ୍ଡା ଫାର୍ମହାଉସ, ବୌଦ୍ଧସ୍ଥିତ ଭୂତପଲିରେ ଥିବା ବାସଗୃହ ଓ ଗଞ୍ଜାମ ଜିଲ୍ଲା ଗାଙ୍ଗପୁର ଅନ୍ତର୍ଗତ ଲୁଦୁଲୁଦି ସ୍ଥିତ ବେହେରାଙ୍କ ସମ୍ପର୍କୀୟ ଦୁଇଜଣଙ୍କ ଘର ଉପରେ ମଧ୍ୟ ଚଡ଼ାଉ କରିଥିବା ଡିଏସପି ଅରୁଣ କୁମାର ନାୟକ ସୂଚନା ଦେଇଛନ୍ତି।
ଏଠାରେ ଉଲ୍ଲେଖଯୋଗ୍ୟ, ରେଞ୍ଜର ବେହେରା ମାତ୍ର ୪/୫ ମାସ ହେଲା କ.ନୂଆଗାଁ ବନାଞ୍ଚଳ ଅଧିକାରୀ ଭାବେ ଦାୟିତ୍ଵ ନେଇଥିଲେ। ସେ ଏହା ପୂର୍ବରୁ ଟିକାବାଲି ରେଞ୍ଜରେ କାର୍ଯ୍ୟ କରୁଥିଲେ। ରିପୋର୍ଟ ଲେଖା ହେଲାବେଳକୁ ଚଢ଼ାଉ ଜାରି ରହିଥିବାରୁ ସଠିକ ଆକଳନ ତଥ୍ୟ ମିଳିନାହିଁ।