ଓଡ଼ିଶା ଷ୍ଟାଫ୍ ସିଲେକସନ୍ କମିସନଙ୍କ ପ୍ରାଇଭେଟ୍ ସେକ୍ରେଟାରି ବିରଞ୍ଚି ନାରାୟଣ ସାହୁଙ୍କ ବାସଭବନ ସମେତ ଛଅଟି ସ୍ଥାନରେ ଭିଜିଲାନ୍ସ ଚଢ଼ଉ
ଭୁବନେଶ୍ୱର: ଓଡ଼ିଶା ଷ୍ଟାଫ୍ ସିଲେକସନ୍ କମିସନଙ୍କ ପ୍ରାଇଭେଟ୍ ସେକ୍ରେଟାରି ବିରଞ୍ଚି ନାରାୟଣ ସାହୁଙ୍କ ରାଜଧାନୀର ନିଳାଦ୍ରୀ ବିହାର ସ୍ଥିତ ବାସଭବନ ସମେତ କଟକ ଓ ଭୁବନେଶ୍ୱରର ଛଅଟି ସ୍ଥାନରେ ଭିଜିଲାନ୍ସ ଚଢ଼ଉ ଜାରି ରହିଛି। ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ଏହି ଚଢ଼ଉ କରାଯାଉଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ସାହୁଙ୍କ ନାମରେ ଦୁଇଟି ଦୁଇମହଲା କୋଠା ଓ ୯ଟି ପ୍ଲଟ୍ ଥିବାର ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି। ଶ୍ରୀ ସାହୁଙ୍କ ଭାଉଜଙ୍କ ଘରୁ ୧୩ ଲକ୍ଷ ଟଙ୍କା ଜବତ କରାଯାଇଛି। ଶ୍ରୀ ସାହୁଙ୍କ ଘରୁ ମଧ୍ୟ ବିପୁଳ ନଗଦ ଟଙ୍କା ମଧ୍ୟ ଉଦ୍ଧାର କରାଯାଇଥିଛି। ଏହି ଅର୍ଥର ଗଣନା ଏବଂ ପରବର୍ତ୍ତୀ ସନ୍ଧାନ ଚାଲିଛି। ଏହି ଚଢ଼ଉରେ ୪ ଜଣ ଡିଏସପି, ୧୩ ଜଣ ଇନସ୍ପେକ୍ଟର ଏବଂ ଅନ୍ୟାନ୍ୟ କର୍ମଚାରୀଙ୍କୁ ନେଇ ତିନିଟି ଦଳ ସାମିଲ୍ ହୋଇଥିବାର ସୂଚନା ରହିଛି।