ଭିଣୋଇଙ୍କୁ ୫ ଲକ୍ଷ ଟଙ୍କା ଦେବାବେଳେ ମାଡିବସିଲା ଭିଜିଲାନ୍ସ
ଭଦ୍ରକ: ନିଜ ଭିଣୋଇଙ୍କୁ ସରକାରୀ ବାସଭବନକୁ ଡାକି ଲାଞ୍ଚରୁ ମିଳିଥିବା ଟଙ୍କା ଦେବାବେଳେ ମାଡିବସିଲା ଭିଜିଲାନ୍ସ | ଆଜି ଭଦ୍ରକର ସାଳନ୍ଦୀ କେନାଲ ଡିଭିଜନର ଅଧିକ୍ଷଣ ଯନ୍ତ୍ରୀ ଶ୍ରୀମନ୍ତ ସେଠି ନିଜ ସମ୍ପର୍କୀୟଙ୍କୁ ୫ ଲକ୍ଷ ଟଙ୍କା ଦେଉଥିବା ସମୟରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଥିବା ଜଣାପଡିଛି | ମିଳିଥିବା ସୂଚନା ମୁତାବକ ଶ୍ରୀମନ୍ତ ବାଲେଶ୍ୱର ଜିଲ୍ଲା ବାହାନଗାରେ ରହୁଥିବା ଭିଣୋଇଙ୍କୁ ଡାକି ଲାଞ୍ଚ ପାଇଥିବା ୫ ଲକ୍ଷ ଟଙ୍କା ଦେଉଥିଲେ |
Sambad is now on WhatsApp
Join and get latest news updates delivered to you via WhatsApp
ଆଉ ଏବାବଦରେ ପୂର୍ବରୁ ସୂଚନା ପାଇ ଭଦ୍ରକ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଥିଲା | ବର୍ତ୍ତମାନ ୫ଟି ସ୍ଥାନରେ ଚଢ଼ାଉ ଚାଲିଥିବାର ଜଣାପଡିଛି | ଶ୍ରୀମନ୍ତଙ୍କ ବାଲେଶ୍ୱରରେ ଥିବା ଘର, ବାଲେଶ୍ୱରର ଖଇରାରେ ଥିବା ପୈତୃକ ଘର, ବାଲେଶ୍ୱରର ଗୋବିନ୍ଦପୁରରେ ଥିବା ଭିଣୋଇ ଘର, ଭଦ୍ରକରେ ଥିବା କାର୍ଯ୍ୟାଳୟ ଓ ବାସଭବନରେ ଚଢ଼ାଉ ଜାରି ରହିଛି |