ଗଞ୍ଜାମ : ଭୋଟର ତାଲିକାରେ ନାଁ ନଥିବାରୁ ବିଡିଓଙ୍କୁ ଅଟକ ରଖିଲେ ଗ୍ରାମବାସୀ
ଭୁବନେଶ୍ବର : ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ସମୟରେ ସରକାରୀ ଅଧିକାରୀମାନଙ୍କ ଉପରେ ଆକ୍ରମଣ ମାମଲା ବଢିଚାଲିଛି । ଆଜି ଗଞ୍ଜାମ ଜିଲ୍ଲା ପାତ୍ରପୁର ବିଡ଼ିଓ ପ୍ରକାଶ ଦାସଙ୍କୁ କେତେକ ଗ୍ରାମବାସୀ ଆକ୍ରମଣ କରିବା ସହ ଅଟକ ରଖିଥିବା ସୂଚନା ମିଳିଛି । ଭୋଟ ତାଲିକାରେ ନାଁ ନଥିବାରୁ ଗତ ୨୦ ତାରିଖରେ ୩ୟ ପର୍ଯ୍ୟାୟ ନିର୍ବାଚନରେ ଭୋଟଦାନରୁ ବଂଚିତ ହୋଇଥିବା ତୁମ୍ବା ପଞ୍ଚାୟତର ଧାଡ଼ିଆମ୍ବ ଗ୍ରାମବାସୀ ଏଭଳି କାଣ୍ଡ ଘଟାଇଥିବା ଜଣାପଡ଼ିଛି । ବିଡିଓ ଶ୍ରୀଦାସ ତୁମ୍ବା ଗ୍ରାମରେ ବିଦ୍ୟାଳୟ ରୂପାନ୍ତରଣ କାର୍ଯ୍ୟ ଦେଖି ଫେରିବା ବାଟରେ ତାଙ୍କୁ ଆକ୍ରମଣ ସହ ଅଟକ ରଖାଯାଇଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ବିଡିଓଙ୍କୁ ଉତ୍ତ୍ୟକ୍ତ ଲୋକେ ଅଟକ ରଖିଥବା ଖବର ପାଇ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ, ବ୍ରହ୍ମପୁର ଉପଜିଲ୍ଲାପାଳ, ପାତ୍ରପୁର ତହସିଲଦାର, ଜରଦା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି। ସେମାନେ ଗ୍ରାମବାସୀଙ୍କୁ ବୁଝାଇବା ସହ ବିଡିଓଙ୍କୁ ମୁକୁଳାଇବା ପ୍ରୟାସ କରୁଥିବା ସୂଚନା ମିଳିଛି।
ଉଳ୍ଲେଖଯୋଗ୍ୟ, ପୂର୍ବରୁ ଯାଜପୁର ଜିଲ୍ଲା କୋରେଇ ବ୍ଲକ ଗୋଳେଇପୁର ପଂଚାୟତରେ ୩ୟ ପର୍ଯ୍ୟାୟ ନିର୍ବାଚନ ବେଳେ ସ୍ଥାନୀୟ ବିଡିଓଙ୍କ ଉପରେ ଆକ୍ରମଣ ହୋଇଥିଲା । ସୋତି ୟୁଜିଏମ୍ଇ ସ୍କୁଲ ଭୋଟଗ୍ରହଣ କେନ୍ଦ୍ରରେ ରିଗିଂ ହେଉଥିବା ଖବରପାଇ ବିଡିଓ ରଂଜନ କୁମାର ପରିଡ଼ା ପହଞ୍ଚିଥିବା ବେଳେ ତାଙ୍କୁ ଦୁର୍ବୃତ୍ତମାନେ ଧକ୍କା ମାରି ଆକ୍ରମଣ କରିଥିଲେ।