ସମ୍ବଲପୁର :ବଢ଼ିଲା ହୀରାକୁଦ ଜଳଭଣ୍ଡାରରର ଜଳସ୍ତର | ବର୍ତ୍ତମାନ ଶୁକ୍ରବାର ସକାଳ ୯ଟା ସୁଦ୍ଧା ଜଳସ୍ତର ୬୦୭.୯୭ ଫୁଟରେ ପହଞ୍ଚିଛି। ଏହି ସମୟରେ ଏଠାରେ ପ୍ରତି ସେକେଣ୍ଡରେ ୧ ଲକ୍ଷ ୯୦ ହଜାର ଘନଫୁଟ ପାଣି ପ୍ରବେଶ କରୁଥିବାବେଳେ ପ୍ରତି ସେକେଣ୍ଡରେ ୬ ହଜାର ଘନଫୁଟ ପାଣି ନିଷ୍କାସିତ ହେଉଛି। ହୀରାକୁଦ ଜଳଭଣ୍ଡାରର ଉପରମୁଣ୍ଡରେ ବର୍ଷା ଯୋଗୁଁ ଜଳସ୍ତର ସ୍ଥିତି ଉନ୍ନତି ହେବା ନେଇ ଆଶା ରହିଛି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଉପରମୁଣ୍ଡରେ ହାରାହାରି ୮୬.୩୭ ମିଲିମିଟର ଏବଂ ତଳମୁଣ୍ଡରେ ୬୫.୭୫ ମିଲିମିଟର ବର୍ଷା ରେକର୍ଡ କରାଯାଇଛି। ୨ ଦିନ ହେଲା ଜଳଭଣ୍ଡାରରୁ ପାୱାର ଚ୍ୟାନେଲକୁ ପାଣି ଯୋଗାଣ ବନ୍ଦ ରହିଛି। ମାତ୍ର ପାୱାର ଚ୍ୟାନେଲକୁ ପାଣି ଛଡ଼ାଯାଇନଥିବାରୁ ବିଜୁଳି ଉତ୍ପାଦନ ବନ୍ଦ ରହିଛି।
ମିଳିଥିବା ସୂଚନା ମୁତାବକ ମହାନଦୀର ଖଇରମାଳରେ ୩ ଲକ୍ଷ ୩୫ ହଜାର କ୍ୟୁସେକ ପାଣି ପ୍ରବାହିତ ହେଉଥିବାବେଳେ ବରମୂଳରେ ୨ ଲକ୍ଷ ୬୭ ହଜାର କ୍ୟୁସେକ ଜଳ ପ୍ରବାହିତ ହେଉଛି | ସେହିପରି ମୁଣ୍ଡଳୀରେ ୩ ଲକ୍ଷ ୪୨ ହଜାର ୩୦୯ କ୍ୟୁସେକ ଜଳ ପ୍ରବାହିତ ହେଉଛି |