ଜଗତସିଂହପୁର ଟାଉନ୍ : ଜଗତସିଂହପୁର ଜିଲ୍ଲାରେ ପାଇକା, ମହାନଦୀ ଓ ଦେବୀରେ ଜଳସ୍ତର ବଢ଼ିବାରେ ଲାଗିଛି ।ତେବେ ଖବର ଲେଖା ହେବା ବେଳକୁ ରାତି ୧୦ଟା ସୁଦ୍ଧା ଜିଲ୍ଲାର ତିନୋଟି ସ୍ଥାନରେ ଜଳ ସ୍ତର ଡେଞ୍ଜର ଲେଭଲ୍ ଉପରେ ରହିଛି । ମିଳିଥିବା ସୂଚନା ଅନୁସାରେ ମହାନଦୀର ତିନୋଟି ସ୍ଥାନରେ ଜଳସ୍ତର ମାପ କରାଯାଉଛି । ଏଥିରେ ତାର୍ତ୍ତୋଲରେ ୪.୯୩୫ ମିଟର ଡେଞ୍ଜର ଲେଭଲ ଥିବା ବେଳେ ଏବେ ସୁଦ୍ଧା ୪.୯୦ ମିଟର ରହିଛି । ଆଉ ଅଳ୍ପ କିଛି ମିଟର ପରେ ଏହା ଡେଞ୍ଜର ଲେଭଲକୁ ଛୁଇଁବ । ଚୌଧୁରୀଗଡ଼ାରେ ୪.୧୦ ମିଟର ଡେଞ୍ଜର ଲେଭଲ ଥିବା ବେଳେ ୨.୮୫ ମିଟର ଜଳସ୍ତର ରହିଛି । କିନ୍ତୁ ମହାନଦୀର ତାରପୁର ନିକଟରେ ୯.୮୦ ମିଟର ଡେଞ୍ଜର ଲେଭଲ ଥିବା ବେଳେ ଏବେ ୧୦.୭୯ ମିଟର ପାଣି ଚାଲୁଛି । ଯାହା ବିପଦ ସଙ୍କୁଳ ଉପରେ ରହିଛି ।
Sambad is now on WhatsApp
Join and get latest news updates delivered to you via WhatsApp
ପାଇକା ନଦୀ ଶଙ୍ଖେଶ୍ୱର ନିକଟରେ ୨୨.୭୫ ପୁଟ ଡେଞ୍ଜର ଲେଭଲ ଥିବା ବେଳେ ଏହାକୁ ଟପି ୨୫.୪୦ ଫୁଟରେ ଜଳ ପ୍ରବାହିତ ହେଉଛି । ଦେବୀ ନଦୀର ଦଳେଇ ଘାଇ ନିକଟରେ ୫୫ ଫୁଟ ୱାର୍ଣ୍ଣିଲେଭଲ୍ ଡେଇଛି ପାଣି । ଡେଞ୍ଜର ଲେଭଲ୍ ୫୭ ଫୁଟ ଥିବା ବେଳେ ଏବେ ସୁଧା ୫୬.୧୦ ଫୁଟ ରହିଛି । ସେହିପରି ଦେବୀ ନଦୀର ଆଳିପିଙ୍ଗଳ ନିକଟରେ ୧୧.୭୬ ମିଟର ଡେଞ୍ଜର ଲେଭଲ ଥିବା ବେଳେ ଜଳସ୍ତର ୧୦.୪୭ ମିଟର ରହିଛି । ମାଛଗାଁ ନିକଟରେ ୧୧ ଫୁଟ ୱାର୍ଣ୍ଣିଂ ସ୍ତରକୁ ଟପି ୧୩ ଫୁଟ ଡେଞ୍ଜର ଲେଭଲକୁ ମଧ୍ୟ ଟପି ଯାଇ ଏବେ ୧୩.୪୦ ଫୁଟରେ ପହଞ୍ଚିଛି । ବିଲୁଆ ଖାଇ ନଦୀର ଶଙ୍ଖାରିସାହି ଓ ବୀରବରପାଟଣାରେ ଡେଞ୍ଜର ଲେଭଲ ତଳେ ଜଳସ୍ତର ରହିଛି । କିନ୍ତୁ ଆସନ୍ତାକାଲି ସୁଦ୍ଧା ଉପରମୁଣ୍ଡର ପାଣି ପହଞ୍ଚିବା ପରେ ଜଳସ୍ତର ବଢ଼ିବ ବୋଲି ଆଶଙ୍କା କରାଯାଉଛି । ଯାହାକୁ ନେଇ ଚିନ୍ତାରେ ପଡ଼ିଛନ୍ତି ଜିଲ୍ଲାବାସୀ ।