କରୋନା ମୁକାବିଲା ଲାଗି କେନ୍ଦୁଝର, କେନ୍ଦ୍ରାପଡ଼ା ଓ ମୟୂରଭଂଜରେ ସପ୍ତାହାନ୍ତ ସଟଡାଉନ 

ଭୁବନେଶ୍ୱର: ମହାମାରୀ କରୋନା ଭାଇରସ ସଂକ୍ରମଣ ନିୟନ୍ତ୍ରଣ ଲାଗି ଗଂଜାମ, ଗଜପତି, ଖୋର୍ଦ୍ଧା, କଟକ ଓ ରାଉରକେଲା ମହାନଗର ନିଗମ ଅଂଚଳରେ ଅଗଷ୍ଟ ମାସରେ ପ୍ରତି ସପ୍ତାହର ଶେଷ ଦୁଇ ଦିନ (ଶନିବାର ଓ ରବିବାର) ସଟଡାଉନ ରହିବ । ସଟଡାଉନ ସମୟରେ ଅତ୍ୟାବଶ୍ୟକ ସେବା ବ୍ୟତୀତ ଅନ୍ୟ ସବୁ କାର୍ଯ୍ୟକଳାପ ବନ୍ଦ ରହିବ ।

 

ରାଜ୍ୟ ସରକାରଙ୍କ ନିଷ୍ପତ୍ତି ବ୍ୟତୀତ କିଛି ଜିଲ୍ଲା ପ୍ରଶାସନ ମଧ୍ୟ ଅଗଷ୍ଟମାସରେ ସପ୍ତାହାନ୍ତ ସଟଡାଉନ ଘୋଷଣା କରିଛନ୍ତି । କେନ୍ଦୁଝର, କେନ୍ଦ୍ରାପଡ଼ା, ଅନୁଗୁଳ, ବାଲେଶ୍ୱର ଓ ମୟୂରଭଂଜରେ ମଧ୍ୟ ସାପ୍ତାହିକ ସଟଡାଉନ ରହିବ । ମୟୂରଭଂଜରେ ପ୍ରଥମ ସାପ୍ତାହିକ ସଟଡାଉନ ଅଗଷ୍ଟ ୧ ଓ ୨ ତାରିଖରେ ହେବ । ଏହି ସମୟରେ ଦୋକାନ ଗୁଡ଼ିକ ଦିନ ୧ଟା ଯାଏଁ ଖୋଲିବ । ସନ୍ଧ୍ୟା ୭ଟାରୁ ସକାଳ ୫ଟା ଯାଏଁ ରାତ୍ରକାଳୀନ କର୍ଫ୍ୟୁ ଲାଗୁ ହେବ ।

 

କେନ୍ଦ୍ରାପଡ଼ା ଜିଲ୍ଲାରେ ପ୍ରଶାସନର ପରବର୍ତ୍ତୀ ଆଦେଶ ପର୍ଯ୍ୟନ୍ତ ସପ୍ତାହାନ୍ତ ସଟଡାଉନ ବଳବତ୍ତର ରହିବ । ଏହି ସମୟରେ ସାଧାରଣ ଲୋକେ ପ୍ରଶାସନକୁ ସହଯୋଗ କରନ୍ତୁ ବୋଲି ଜିଲ୍ଲାପାଳ ଅପିଲ କରିଛନ୍ତି । କେନ୍ଦୁଝର ଜିଲ୍ଲାରେ ମଧ୍ୟ ସପ୍ତାହାନ୍ତ ସଟଡାଉନ ଘୋଷଣା କରିଛନ୍ତି ।

 

ଅନ୍ୟପଟେ ପୁରୀରେ ପରିସ୍ଥିତିକୁ ଦୃଷ୍ଟିରେ ରଖି ସଟଡାଉନ ହେବ । ଜିଲ୍ଲାକୁ ଏବେ ବାହାର ଲୋକଙ୍କର ପ୍ରବେଶ ନେଇ କଟକଣା ରହିଛି । କୋଣାର୍କ ମନ୍ଦିରକୁ ଅଗଷ୍ଟ ୩୧ ଯାଏଁ ବନ୍ଦ ରଖାଯାଇଛି ବୋଲି ଜିଲ୍ଲାପାଳ ବଲୱନ୍ତ ସିଂହ କହିଛନ୍ତି ।

ସମ୍ବନ୍ଧିତ ଖବର

Comments are closed.