ଭୁବନେଶ୍ୱର(ବୌଦ୍ଧାୟନ ଆଚାର୍ଯ୍ୟ): ୟୁନାଇଟେଡ଼ ଆରବ ଏମିରେଟସ(ୟୁଏଇ) ଦେଶର ଏମିତି ଏକ ସହର ରହିଛି ଯେଉଁଠିକି କାମ ସନ୍ଧାନରେ ଭାରତର ଅନେକ ଲୋକ ଯାଇଥାନ୍ତି | ୟୁଏଇର ଦୁବାଇ,ସାରଜାହା, ଆବୁଧାବିକୁ ଭାରତର ଅନେକ ଲୋକଙ୍କ ଭଳି ଓଡ଼ିଶାର ଅନେକ ଓଡ଼ିଆ ମଧ୍ୟ ଯାଇଥାନ୍ତି | ତେବେ ସାରା ବିଶ୍ୱକୁ ଏବେ କରୋନା ମହାମାରୀ ନିଜର ଶିକାର ବନାଇଥିବାବେଳେ ବହୁ ସଂଖ୍ୟାରେ ଓଡ଼ିଆ ଓଡ଼ିଶା ଫେରିବାକୁ ଅନାଇ ବସିଛନ୍ତି | ମେ ୧୪ ତାରିଖରେ ୧୫୦ଜଣ ଓଡ଼ିଆ ଦୁବାଇରୁ ଆସି ଭୁବନେଶ୍ବରରେ ପହଂଚିଥିଲେ । ଓଡ଼ିଶାର ୧୨ଟି ଜିଲ୍ଲାର ଲୋକ ଆସିଥିବାବେଳେ ଆସନ୍ତା ୧୯ ତାରିଖରେ ଆଉ ଏକ ବିମାନ ମଧ୍ୟ ଦୁବାଇରୁ ଆସିବ | ତେବେ ବର୍ତ୍ତମାନ କାହିଁକି ଏତେ ସଂଖ୍ୟାରେ ୟୁଏଇରେ ରହୁଥିବା ପ୍ରବାସୀ ଓଡ଼ିଆ ଓଡ଼ିଶା ମୁହାଁ ହେଉଛନ୍ତି ସେ ବାବଦରେ ଆଜି ଆମେ ଆପଣଙ୍କୁ କହିବୁ |
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା ସମାଜ ୟୁଏଇର ସଦସ୍ୟା ସୁଧାଶ୍ରୀ ଦାଶଙ୍କ କହିବା ମୁତାବକ ପ୍ରଥମତଃ କରୋନା ପାଇଁ ୟୁଏଇରେ ଅଟ୍ଟାଳିକା ନିର୍ମାଣ କାମ ଏକଦମ ଠପ୍ ହୋଇଯାଇଛି | ନିର୍ମାଣ ଶ୍ରମିକ ଭାବେ ବହୁ ସଂଖ୍ୟାରେ ଲୋକ ଏଠାକୁ ଆସୁଥିବାବେଳେ ନିର୍ମାଣ କାର୍ଯ୍ୟ ବନ୍ଦ ରହିଛି | କେହି ବି ଜାଣିନାହାନ୍ତି କେବେ ଏହି ସ୍ଥିତି ସୁଧୁରିବ | ଯେତେବେଳେ ବହୁ ଲୋକଙ୍କ ପାଖରେ ଖାଇବାକୁ ଟଙ୍କାଟିଏ ନାହିଁ, ପ୍ରାୟ ସମୟ ଭୋକରେ ରହୁଛନ୍ତି ତେଣୁ ସେମାନେ ଚାଁହୁଛନ୍ତି ଘରକୁ ଫେରିଗଲେ ଅତିକମରେ ଦୁଇ ଓଳି ଖାଇବାକୁ ପାଇବେ |
ଦ୍ଵିତୀୟରେ ଯେଉଁ ମାନେ ପର୍ଯ୍ୟଟକ ଭାବେ ଫେବୃୟାରୀ-ମାର୍ଚ୍ଚରେ ଦୁବାଇକୁ ବୁଲିବାକୁ ଆସିଥିଲେ ହଠାତ ଲକଡାଉନ ଯୋଗୁଁ ଫସିରହିଥିଲେ | ନିଜ ପରିବାର ସହ ରହିବାକୁ ଚାଁହୁଥିବା ଲୋକମାନେ ତେଣୁ ଓଡ଼ିଶା ଯିବା ପାଇଁ ବ୍ୟଗ୍ର ବୋଲି ସୁଧାଶ୍ରୀ କହିଛନ୍ତି | ସେହିପରି ଅଢେଇ ହଜାର ଓଡ଼ିଆ ଓଡିଶାକୁ ଫେରିବାକୁ ଚାଁହୁଥିବାବେଳେ ଯେଉଁମାନେ ଅତି ଖରାପ ଅବସ୍ଥାରେ ରହିଛନ୍ତି ସେମାନେ କିଭଳି ପ୍ରଥମେ ଯିବେ ତାହାକୁ ପ୍ରାଥମିକତା ଦେଇଥିଲୁ | ମେ ୧୪ରେ ଯାଇଥିବା ବିମାନରେ ପ୍ରାୟ ୯୨ରୁ ୯୫ ପ୍ରତିଶତ ଓଡ଼ିଆ ଦାଦନ ଶ୍ରମିକ ଓଡ଼ିଶା ଫେରିଛନ୍ତି | ଦ୍ଵିତୀୟ ପର୍ଯ୍ୟାୟରେ ମେ ୧୯ରେ ଯିବାକୁ ଥିବା ବିମାନରେ ମଧ୍ୟ ୧୫୦ ଜଣ ହିଁ ପ୍ରବାସୀ ଓଡ଼ିଆ ଯିବେ |