ତାଳଚେର ସନ୍ଥପଡ଼ାରେ ହାତୀ ଆକ୍ରମଣ: ସ୍ତ୍ରୀ ମୃତ, ସ୍ୱାମୀ ଗୁରୁତର

ତାଳଚେର: ତାଳଚେର ସନ୍ଥପଡା ଗ୍ରାମରେ ବିଳମ୍ବିତ ରାତିରେ ଶୋଇଥିବା ବେଳେ ଦନ୍ତା ହାତୀ ଆକ୍ରମଣରେ ସ୍ତ୍ରୀ ମୃତ ସ୍ୱାମୀ ଗୁରୁତର। ମୃତକ ଜଣକ ହେଲେ କାଞ୍ଚନ ମୁଣ୍ଡା।ଗୁରୁତର ସ୍ୱାମୀ ଜଣକ ହେଲେ ମୁକୁନ୍ଦ ମୁଣ୍ଡା।

ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ସ୍ୱାମୀ ଓ ସ୍ତ୍ରୀ ଘରେ ଶୋଇଥିବା ବେଳେ ସ୍ତ୍ରୀକୁ ଦନ୍ତା ହାତୀଟି ଘୋଷାଡ଼ି ମାରିଥିବା ବେଳେ ଅଳ୍ପକେ ବର୍ତ୍ତି ଗୁରୁତର ହୋଇଛନ୍ତି ସ୍ୱାମୀ। ସ୍ୱାମୀଙ୍କୁ ଗ୍ରାମବାସୀ ଉଦ୍ଧାର କରି ସ୍ଥାନୀୟ ଚିକିତ୍ସାଳୟରେ ଭର୍ତ୍ତି କରିଛନ୍ତି। ଗତକାଲି ବିଳମ୍ବିତ ରାତିରେ ଢେଙ୍କାନାଳ ଜିଲ୍ଲା ସରାଙ୍ଗ ପଟରୁ ବ୍ରାହ୍ମଣୀ ନଦୀ ପାର ହୋଇ ଏକ ହାତୀ ପଲ ଖାଦ୍ୟ ଅନ୍ୱେଷଣରେ ସନ୍ଥପଡ଼ାକୁ ଆସିଥିଲେ। ହାତୀ ପଲରୁ ଏକ ଦନ୍ତା ହାତୀ ଘର ଭିତରେ ଶୋଇଥିବା ଦମ୍ପତିଙ୍କୁ ଆକ୍ରମଣ କରିଥିଲା। ଘଟଣାସ୍ଥଳରେ ତାଳଚେର ବନ ବିଭାଗ ପହଞ୍ଚି ତଦନ୍ତ ଜାରି ରଖିଥିବା ବେଳେ ହାତୀ ପଲଟି ନଦୀ ପାର ହୋଇ ପୁଣି ଢେଙ୍କାନାଳ ଜିଲ୍ଲାକୁ ଚାଲି ଯାଇଥିବା ସୂଚନା ରହିଛି। ବାରମ୍ବାର ହାତୀପଲ ରାତିରେ ଗାଁମୁହାଁ ହେଉଥିବାରୁ ଗ୍ରାମବାସୀଙ୍କ ମଧ୍ୟରେ ଭୟର ଆତଙ୍କ ଖେଳି ଯାଇଛି ।

ସମ୍ବନ୍ଧିତ ଖବର