ନିଜ ମଥାରୁ ନିଜେ ସିନ୍ଦୁର ପୋଛିଲା ମହିଳା, ୨ ପୁଅଙ୍କ ସହାୟତାରେ ସ୍ବାମୀଙ୍କୁ ହାଣି ମାରିଦେଲା
ଖଲ୍ଲିକୋଟ: ଗଂଜାମ ଜିଲ୍ଲା ଖଲ୍ଲିକୋଟରେ ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି। ଜଣେ ମହିଳା ନିଜ ସିନ୍ଦୁରକୁ ନିଜେ ପୋଛି ଦେଇଛି। ନିର୍ଯ୍ୟାତନା ଅସହ୍ୟ ହେବାରୁ ଜଣେ ମହିଳା ନିଜର ୨ ପୁଅଙ୍କ ସହ ମିଶି ସ୍ବାମୀକୁ ହତ୍ୟା କରିଛି ସ୍ତ୍ରୀ। ଏହି ଘଟଣାରେ ପୁଲିସ ଅଭିଯୁକ୍ତ ମହିଳା ଓ ତାଙ୍କର ୨ ପୁଅକୁ ଗିରଫ କରିଛି। ମୃତକ ହେଲେ ସୂର୍ଯ୍ୟ ପାହାନ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ସୂର୍ଯ୍ୟ ପାହାନ ଓ ତାଙ୍କର ସ୍ତ୍ରୀଙ୍କ ମଧ୍ୟରେ ନିଦିଦିନିଆ ଝଗଡ଼ା ଲାଗି ରହୁଥିଲା। ଫଳରେ ପରିବାରରେ ସବୁବେଳେ ଅଶାନ୍ତି ଲାଗି ରହୁଥିଲା। ମଙ୍ଗଳବାର ବିଳମ୍ବିତ ରାତିରେ ଏହା ଭୟଙ୍କର ରୂପ ନେଇଥିଲା। ସୂର୍ଯ୍ୟ ପୁହାନ ନିଜ ସ୍ତ୍ରୀ ଓ ଦୁଇ ପୁଅଙ୍କ ହାତରେ ଜୀବନ ହରାଇଥିଲେ। ଖବରପାଇ ଖଲ୍ଲିକୋଟ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ସ୍ତ୍ରୀ ଓ ଦୁଇ ପୁଅଙ୍କୁ ଗିରଫ କରି କୋର୍ଟ ଚାଲାଣ କରିଛି। ଘଟଣାରେ ପୁଲିସ ଓ ସାଇଣ୍ଟଫିକ୍ ଟିମ୍ ତଦନ୍ତ କରୁଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିବା ପରେ ପୁଲିସ ଘଟଣା ସଂପର୍କରେ ଅଧିକ ସୂଚନା ଦେବ ବୋଲି ଖଲ୍ଲିକୋଟ ଥାନାଧିକାରୀ ଜଗନ୍ନାଥ ମଲ୍ଲିକ କହିଛନ୍ତି।