ବାରିପଦା : କୁଲଡିହା ଅଭୟାରଣ୍ୟରୁ ଆସିଥିବା ୫ଜଣିଆ ଏକ ହାତୀପଲ ଆଉ ଫେରିବାର ନା ନେଉନାହାନ୍ତି। ଗତ ରବିବାର ଦିନ ରାସଗୋବିନ୍ଦପୁର ରେଞ୍ଜ୍ ରଜାବସା ପଂଚାୟତର କୁକୁଡ଼ାଯୋଡି ଅଞ୍ଚଳରେ ଏହି ହାତୀପଲରେ ଥିବା ଏକ ଦନ୍ତାହାତୀ ସ୍ଥାନୀୟ ଗ୍ରାମର ଚତୁର୍ଭୁଜ ନାୟକ ନାମକ ଜଣେ ବୃଦ୍ଧଙ୍କୁ ଦଳିମାରିଦେଇଥିଲେ। ଆଜି ଉକ୍ତ ହାତୀ ପଲ ବାରିପଦା ରେଞ୍ଜ ଅନ୍ତର୍ଗତ ଓରାଚନ୍ଦାବିଲା ବିଟ୍ ଭଦୁଆଶୋଳ ଅଞ୍ଚଳରେ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ବନକର୍ମଚାରୀମାନେ ଉକ୍ତ ହାତୀ ପଲକୁ ଘଉଡ଼ାଇବାକୁ ଉଦ୍ୟମ ଜାରି ରଖିଛନ୍ତି। ତେବେ ହାତୀପଲକୁ ନେଇ ନିକଟବର୍ତ୍ତୀ ଅଞ୍ଚଳରେ ଭୟର ବାତାବରଣ ଦେଖାଦେଇଛି। ଯେତେ ଚେଷ୍ଟା କଲେ ମଧ୍ୟ ଉକ୍ତ ହାତୀ ପଲ କୁଲଡିହାକୁ ଆଉ ଫେରୁନାହାନ୍ତି। ଯାହାକି ବନବିଭାଗ ପାଇଁ ଚିନ୍ତାର କାରଣ ସାଜିଛି।