ମାଲକାନଗିରି: ସୀମାନ୍ତ ଛତିଶଗଡର ସୁକମା ପୁଲିସକୁ ମିଳିଛି ବଡ ସଫଳତା। ପୁଲିସର ସର୍ଚ୍ଚ ଅପରେସନ ବେଳେ ନକ୍ସଲ ସଂଗଠନର ଡାକ୍ତର ଟିମର ମହିଳା କମାଣ୍ଡର ବାରସେ ମୁୟେକୁ ପୁଲିସ ଗିରଫ କରିଛି। ବାରସେ ମୁୟେ ସଂଗଠନରେ ଦୀର୍ଘ ଦିନ ଧରି ଡାକ୍ତରୀ ସେବା ଦେଉଥିଲେ। ଏସିଏମ ପଦବିରେ ସେ ପଦସ୍ଥ ଥିଲେ।ସରକାର ମୁୟେ ନାମରେ ୫ ଲକ୍ଷ ଟଂକାର ପୁରସ୍କାର ରାଶି ଘୋଷଣା କରିଥିଲେ। ମୁୟେ ଧରାପଡିବା ପରେ ନକ୍ସଲ ସଂଗଠନରେ ଚାଲିଥିବା ବହୁ ଗୁରୁତ୍ବପୂର୍ଣ୍ଣ ତଥ୍ୟ ପଦାକୁ ଆସିବ ବୋଲି କୁହାଯାଇଛି। ମୁୟେର ଗିରଫ ସଂଗଠନକୁ ଶକ୍ତ ଧକ୍କା ଲାଗିଛି। ପୁଲିସ ମୁୟେକୁ ଧରି ପଚରାଉଚରା କରୁଛି।