ସ୍ବାମୀ ମୃତ୍ୟୁର ତିନିଦିନ ପରେ ସ୍ତ୍ରୀ ଆଖିବୁଜିଲେ
ରାମଚନ୍ଦ୍ରପୁର : ରାମଚନ୍ଦ୍ରପୁର ଥାନା ବାତୋ ଗ୍ରାମର କ୍ଷୀରୋଦ କୁମାର ଜେନା (୨୨) ୧୫ ତାରିଖରେ ମଙ୍ଗଳାଗଡ଼ିଆ ଗ୍ରାମରେ ଗଛ କାଟୁଥିବାବେଳେ ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସି ପ୍ରାଣ ହରାଇଥିଲେ। ସ୍ବାମୀଙ୍କ ମୃତ୍ୟୁର ତିନିଦିନ ପରେ ଆଜି ସ୍ତ୍ରୀ ନମିତା ଜେନା (୨୧)ଙ୍କ ହୃଦ୍ଘାତରେ ମୃତ୍ୟୁ ଘଟିଛି। ଅପରାହ୍ଣ ୩ଟାବେଳେ ନମିତା ଅସୁସ୍ଥ ହୋଇପଡ଼ିବାରୁ ପରିବାର ଲୋକେ ତାଙ୍କୁ ସାଇଁକୁଳ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆସନ୍ତାକାଲି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୁଲିସ କହିଛି।