ଟ୍ରକ୍ ଧକ୍କାରେ ମହିଳା ଗୃହରକ୍ଷୀଙ୍କ ମୃତ୍ୟୁ: ହକି ଷ୍ଟାଡିୟମକୁ ଡିୟୁଟି କରିବାକୁ ଯାଉଥିଲେ କର୍ମଚାରୀ

ରାଉରକେଲା: ହକି ଷ୍ଟାଡିୟମକୁ ଡିୟୁଟି କରିବାକୁ ଯାଉଥିଲା ବେଳେ ଟ୍ରକ୍ ଧକ୍କାରେ ମହିଳା ଗୃହରକ୍ଷୀଙ୍କ ମୃତ୍ୟୁ ହୋଇଛି। ମୃତକ ହେଲେ ବନ୍ଧମୁଣ୍ଡାର ଜୋହାନୀ ତୀର୍କୀ। ଉଦିତନଗର ପୁଲିସ ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରିବା ଡ୍ରାଇଭରକୁ ଅଟକ ରଖିଛି। ଶବ ଜବତ କରି ବ୍ୟବଚ୍ଛେଦ ପାଇଁ ଆରଜିଏଚକୁ ପଠାଇଛି।

ବିର୍ସାମୁଣ୍ଡା ହକି ଷ୍ଟାଡିୟମକୁ ଡିୟୁଟି କରିବାକୁ ସ୍କୁଟିରେ ରାଉରକେଲା ଯାଉଥିଲେ ଜୋହାନୀ। ସକାଳ ପ୍ରାୟ ସାତଟାରେ ହନୁମାନବାଟିକା ଛକରେ ପଛରୁ ଦ୍ରୁତ ଗତିରେ ଆସୁଥିବା ଟ୍ରକ ତାଙ୍କ ସ୍କୁଟିକୁ ଧକ୍କା ଦେଇଥିଲା। ଏଠାରେ ଜୋହାନୀ ତଳେ ପଡ଼ିଯିବା ପରେ ଟ୍ରକ ତାଙ୍କ ଉପରେ ଚଢିଯାଇଥିଲା। ଏହାଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା। ଜୋହାନୀ ତୀର୍କୀଙ୍କର ଆଜି ହକି ହକି ଷ୍ଟାଡିୟମର ୬ ନଂ ଟିକେଟ କାଉଣ୍ଟରରେ ଡିୟୁଟି ଥିଲା।

ସମ୍ବନ୍ଧିତ ଖବର