କମ୍ବିଂ ଅପରେସନ ବେଳେ ଯବାନଙ୍କୁ ମିଳିଲା ସଫଳତା, ମହିଳା ମାଓବାଦୀ ନିହତ
ସାମ୍ବାଦିକ ସମ୍ମିଳନୀରେ ଡିଜିପିଙ୍କ ସୂଚନା
କଟକ: କମ୍ବିଂ ଅପରେସନ୍ ବେଳେ ଯବାନମାନଙ୍କୁ ଆଜି ଅପରାହ୍ନରେ ଏକ ବଡ଼ ସଫଳତା ମିଳିଛି। ଯବାନଙ୍କ ଗୁଳିରେ ଜଣେ କ୍ୟାଡର ମହିଳା ମାଓବାଦୀ ନିହତ ହୋଇଛି। ରାଜ୍ୟ ପୁଲିସ ମୁଖ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଡିଜିପି ଅଭୟ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ, କନ୍ଧମାଳ ଜିଲ୍ଲାର ଗୋଚ୍ଛାପଡ଼ା ଥାନା ଅଂଚଳରେ ମାଓବାଦୀମାନେ ଯବାନଙ୍କୁ ମୁକାବିଲା କରିପାରି ନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ଡିଜିପି କହିଛନ୍ତି ଯେ, ବିଶ୍ୱସ୍ତ ସୂତ୍ରରୁ ସୂଚନା ମିଳିବା ପରେ କନ୍ଧମାଳ ଜିଲ୍ଲା ଅନ୍ତର୍ଗତ ଗୋଚ୍ଛାପଡ଼ା ଥାନା ଅଂଚଳରେ ଏସଓଜି ଓ ଡିଭିଏଫ୍ ଯବାନମାନେ କମ୍ବିଂ ଅପରେସନ କରିଥିଲେ। ଏହି ସମୟରେ ଯବାନମାନେ ଗୁଳି କରିଥିଲେ। ଫଳରେ ମାଓବାଦୀମାନେ ମୁକାବିଲା କରି ନପାରି ଛତ୍ରଭଙ୍ଗ ଦେଇଥିଲେ। ପରେ ଜଙ୍ଗଳରୁ ଜଣେ ମହିଳା ମାଓବାଦୀଙ୍କ ମୃତଦେହ ମିଳିଛି। ଘଟଣାସ୍ଥଳରୁ ୨ଟି ବନ୍ଧୁକ ଓ ୪ ରାଉଣ୍ଡ ଗୁଳି ଜବତ କରାଯାଇଛି।
ମାଓବାଦୀ ମୁକାବିଲା ପାଇଁ କମ୍ବିଂ ଅପରେସନକୁ ଜୋରଦାର କରି ଦିଆଯାଇଛି। ମାଓବାଦୀମାନେ ହିଂସା ଛାଡନ୍ତୁ ବୋଲି ମୁଖ୍ୟ ସ୍ରୋତରେ ସାମିଲ ହୁଅନ୍ତୁ। ଆତ୍ମସମର୍ପଣ କରି ସରକାରଙ୍କ ଦ୍ୱାରା ଘୋଷଣା କରାଯାଇଥିବା ଯୋଜନାରୁ ସୁବିଧା ନିଅନ୍ତୁ ବୋଲି ଅପିଲ କରିଛନ୍ତି।