ମହିଳା ସଶକ୍ତୀକରଣ ସଚେତନତା ପ୍ରତିଯୋଗିତା

ଖୋର୍ଦ୍ଧା: ସ୍ୱେଚ୍ଛାସେବୀ ଅନୁଷ୍ଠାନ ସହଯୋଗ, ନୂଆଦିଲ୍ଲୀର ବିଶ୍ୱଯୁବକ କେନ୍ଦ୍ରର ମିଳିତ ଆନୁକୂଲ୍ୟରେ ସ୍ଥାନୀୟ ସନାତନ ହରିଚନ୍ଦନ ଡିଗ୍ରୀ ମହାବିଦ୍ୟାଳୟ ଠାରେ ଆନ୍ତର୍ଜାତିକ ମହିଳା ଦିବସ ପରିପ୍ରେକ୍ଷୀରେ ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି ।

ଅନୁଷ୍ଠିତ କାର୍ଯ୍ୟକ୍ରମରେ ସହଯୋଗ ଅନୁଷ୍ଠାନର ସମ୍ପାଦକ ବିଜୟଲକ୍ଷ୍ମୀ ରାଉତରାୟ ଅଧ୍ୟକ୍ଷତା କରିଥିଲେ । ଅତିଥି ଭାବେ ଜନସ୍ୱାସ୍ଥ୍ୟ ଅଭିଯାନର ଓଡ଼ିଶା ଆବାହକ ଗୌରାଙ୍ଗ ମହାପାତ୍ର, ମହାବିଦ୍ୟାଳୟର ଅଧ୍ୟକ୍ଷ ପ୍ରଫୁଲ୍ଲ କୁମାର ଦାଶ, ଏନ୍ଏସ୍ଏସ୍ ଅଧିକାରୀ ଅଧ୍ୟାପିକା ଗୀତାଂଜଳି ଶତପଥୀ, ଅଧ୍ୟାପକ ପଂଚାନନ ମଙ୍ଗରାଜ ଯୋଗ ଦେଇଥିଲେ । ନାରୀ ସ୍ୱାଧୀନତା, ସମାନତା, ନାରୀଙ୍କ ପାଇଁ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଅଧିକ ସୁଯୋଗ, ନାରୀଙ୍କ ନିରନ୍ତର ବିକାଶ ଆଦି ନିମନ୍ତେ ସମାଜର ପ୍ରତ୍ୟେକ ସଚେତନ ନାଗରିକ ପ୍ରଚେଷ୍ଟା କରିବା ଉଚିତ ବୋଲି ଅତିଥିମାନେ ପରାମର୍ଶ ଦେଇଥିଲେ । ଅନୁଷ୍ଠିତ ପୋଷ୍ଟର ଓ ବକ୍ରୃତା ପ୍ରତିଯୋଗିତାରେ ୫୦ଜଣ ଛାତ୍ରଛାତ୍ରୀ ଯୋଗ ଦେଇଥିଲେ । ନାରୀଙ୍କ ସୁରକ୍ଷା ନେଇ ଏକ ସମୂହ ଶପଥପାଠ ହୋଇଥିଲା ।