ଦୁର୍ଘଟଣାରେ ମହିଳା ସଂଘ ସଭାନେତ୍ରୀଙ୍କ ମୃତ୍ୟୁ
ଚଣ୍ଡିଖୋଲ/ବଡ଼ଚଣା: ସଡ଼କ ଦୁର୍ଘଟଣାରେ ବଡ଼ଚଣା ବ୍ଲକ ସମିଆଁ ପଞ୍ଚାୟତର ଶ୍ରଦ୍ଧା ଉତ୍ପାଦକ ଗୋଷ୍ଠୀର ସଭାନେତ୍ରୀ ରେବତୀ ନାଥ (୪୮)ଙ୍କ ମୃତ୍ୟୁ ଘଟିଛି। ତାଙ୍କ ସାଥିରେ ଥିବା ଯାଆ ବିଜେଡି ନେତ୍ରୀ ପୁଷ୍ପଲତା ନାଥ ଗୁରୁତର ହୋଇଛନ୍ତି। ଉଭୟ ରେବତୀ ଓ ପୁଷ୍ପଲତା ଗତ ୪ ତାରିଖ ଦିନ ବଡ଼ଚଣା ବ୍ଲକ କାର୍ଯ୍ୟାଳୟକୁ ସ୍କୁଟର ଯୋଗେ ଯାଉଥିଲେ।
Sambad is now on WhatsApp
Join and get latest news updates delivered to you via WhatsApp
୧୬ ନମ୍ବର ଜାତୀୟ ରାଜପଥର ବଡ଼ଚଣା ଛକ ନିକଟରେ ଦୁର୍ଘଟଣା ଘଟିଥିଲା। ଗୁରୁତର ଅବସ୍ଥାରେ ଉଭୟଙ୍କୁ କଟକ ବଡ଼ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସା ସମୟରେ ରେବତୀଙ୍କ ମୃତ୍ୟୁ ହୋଇଥିଲା। ପୁଷ୍ପଲତା ଏବେ ବି ଚିକିତ୍ସାଧୀନ ଅଛନ୍ତି। ରେବତୀଙ୍କ ମୃତଦେହ ନିଜ ଗାଁରେ ପହଞ୍ଚିବା ପରେ ଶୋକାକୁଳ ପରିବେଶରେ ଶେଷକୃତ୍ୟ କରାଯାଇଛି। ପୁଅ ରାଜେଶ ମୁଖାଗ୍ନି ଦେଇଥିଲେ। ତାଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।