ଲକ୍ଷାଧିକ ଟଙ୍କାର କାଠ ଜବତ

ପାଟଣା: କେନ୍ଦୁଝର ଜିଲ୍ଲା ପାଟଣା ରେଞ୍ଜ ପୁଟୁଳିଆ ଗ୍ରାମର ଏକ ପଡ଼ିଆରେ ଗଛିତ ଥିବା ୩ ଟ୍ରକ ଆକାଶିଆ କାଠକୁ ଆଜି ବନ ବିଭାଗ  ଏନଫୋର୍ସମେଣ୍ଟ  ଟିମ୍ ଜବତ କରିଛି। ଜବତକାଠର ମୂଲ୍ୟ ଲକ୍ଷାଧିକ ଟଙ୍କା ହେବ। ଜବତ କାଠକୁ  ପାଟଣା ରେଞ୍ଜ କାର୍ଯ୍ୟାଳୟକୁ ଅଣାଯାଇଛି।

କାଠ ଗଣ୍ଡିଗୁଡ଼ିକ ଟ୍ରକ ଯୋଗେ ଚୋରା ଚାଲାଣ ହେଉଥିବାର ଖବର ପାଇ ଡିଏଫଓ  ଏଚଡି ଧନରାଜଙ୍କ  ନିର୍ଦେଶ କ୍ରମେ  ଏନଫୋର୍ସ ମେଣ୍ଟର ଡେପୁଟି ରେଞ୍ଜର ବିଦ୍ୟାଧର ସାହୁଙ୍କ ନେତୃତ୍ୱରେ  ବନପାଳ ମଧୁସ୍ମିତା ଦୋରା ଓ ଏପିଆର ଫୋର୍ସଙ୍କର ମିଳିତ  ଚଢ଼ଉ କରାଯାଇଥିଲା। ଜବତ ଗାଡ଼ି ଓ କାଠକୁ ପାଟଣା ବନପାଳଙ୍କୁ ହସ୍ତାନ୍ତର କରାଯାଇଥିବା ଶ୍ରୀ ସାହୁ କହିଛନ୍ତି। ଏ ସମ୍ପର୍କରେ ପାଟଣା ରେଞ୍ଜରଙ୍କୁ ପଚାରିବାରୁ ଜବତ ଆକାଶିଆ କାଠଗୁଡିକ ପଟାଭୁକ୍ତ ଜମିରେ ହୋଇଥିବାରୁ  ଏହାର ଅଧିକ ତଦନ୍ତ ଚାଲିଥିବା କହିଛନ୍ତି।