ଭୁବନେଶ୍ୱର: ବାତ୍ୟା ଫନି ଦ୍ୱାରା ପ୍ରଭାବିତ ଅଞ୍ଚଳରେ ରିଲିଫ ଓ ପୁନରୁଦ୍ଧାର କାର୍ଯ୍ୟ ପାଇଁ ଏମଭିଅଇଅ ।ରଡିସି ବିଶ୍ୱ ବାଣିଜ୍ୟ କେନ୍ଦ୍ର ଭୁବନେଶ୍ୱର ପକ୍ଷରୁ ଓଡ଼ିଶା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୫୧ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ଡବ୍ଳୁଟିସି ମୁମ୍ବାଇର ଉପାଧ୍ୟକ୍ଷ ବିଜୟ କାଲାନ୍ତ୍ରି, ଡାଇରେକ୍ଟର ଜେନେରୋଲ ଡକ୍ଟର ୱାଇଆର ୱାରେକର, ରୁପା ନାଏକ (ବରିଷ୍ଠ ନିର୍ଦେଶକ), ନିମେସିକା ନଟରାଜନ (ସହକାରୀ ନିର୍ଦେଶକ) ଓ ଆଶା ମହାପାତ୍ର (ସହକାରୀ ନିର୍ଦେଶକ)ଙ୍କ ସହ ମିଶି ରାଜ୍ୟ ସଚିବାଳୟ ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚେକ ହସ୍ତାନ୍ତର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବାତ୍ୟା ସମୟରେ ସରକାର ଗ୍ରହଣ କରିଥିବା ପଦକ୍ଷେପକୁ ଶ୍ରୀ କାଲାନ୍ତ୍ରି ପ୍ରଶଂସା କରିବା ସହିତ ରାଜ୍ୟରେ ପୁନରୁଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ଡବ୍ଳୁଟିସିର ଟିମ କିଭଳି କାର୍ଯ୍ୟ କରୁଛନ୍ତି ତାହା ଅବଗତ କରିଛନ୍ତି । ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହଯୋଗ ରହିଲେ ଖୁବଶୀଘ୍ର ବିଶ୍ୱ ବାଣିଜ୍ୟ ସଂଗଠନ ଭୁବନେଶ୍ୱର ସ୍ଥାପନ ହେବ ତାହା ୫ ବର୍ଷ ହେଲାଣି ରାଜ୍ୟରେ ସକ୍ରିୟ ରହିଛି । ଏହି ଅବସରରେ ଡକ୍ଟର ୱାରେରକର କହିଛନ୍ତି ଯେ, ୧୦୦ରୁ ଅଧିକ ଦେଶରେ ୩୩୦ରୁ ଅଧିକ ବିଶ୍ୱ ବାଣିଜ୍ୟ କେନ୍ଦ୍ର ରହିଛି । ଭୁବନେଶ୍ୱରରେ ବିଶ୍ୱ ବାଣିଜ୍ୟ କେନ୍ଦ୍ର ସ୍ଥାପନ ହେଲେ ଓଡ଼ିଶାର ବ୍ୟବସାୟ ଓ ବିଦେଶ ଭିତରେ ରହିଥିବା ଅନ୍ତର ଦୂର ହୋଇପାରିବ ବୋଲି ସେ କହିଛନ୍ତି ।