ଭୁବନେଶ୍ୱର : ସ୍ଥାନୀୟ ଇନଫୋସିଟି ଗଲ୍ଫ କ୍ଲବଠାରେ ୟଙ୍ଗ ଇଣ୍ଡିଆନ୍ସ(ୱାଇଆଇ) ଭୁବନେଶ୍ୱର ଚାପ୍ଟରର ବାର୍ଷିକ ଉତ୍ସବ ପାଳିତ ହୋଇଯାଇଛି। ଉତ୍ସବକୁ ସିଆଇଆଇର ଭାଇସ୍‌ ଚେୟାରମ୍ୟାନ ଟାଟା ଷ୍ଟିଲ୍‌(ଏସ୍‌ଇଜେଡ୍‌)ର ଏମ୍‌ଡି ଅରୁଣ ମିଶ୍ର ଉଦ୍ଘାଟନ କରିଥିଲେ। ୟଙ୍ଗ ଇଣ୍ଡିଆନ୍ସ ରିଜିଓନାଲ ଚେୟାରମ୍ୟାନ୍‌ ଓ ଇଶ୍ୱର ସଫ୍ଟଓୟାରର ପ୍ରତିଷ୍ଠାତା ଅବନୀଶ ନାୟକ, ୱାଇଆଇ ଭୁବନେଶ୍ୱର ଚାପ୍ଟର ଓ ଏସ୍‌ଜେ ଡେଭଲପର୍ସର ଡାଇରେକ୍ଟର ମାତୃଦତ୍ତ ମିଶ୍ର, ୱାଇଆଇ ଭୁବନେଶ୍ୱର ଚାପ୍ଟର କୋ-ଚେୟାରମ୍ୟାନ୍‌ ତପେନ୍ଦ୍ର ସେନାପତି ପ୍ରମୁଖ ଉପସ୍ଥିତ ଥିଲେ। ଜାତୀୟ ପୁରସ୍କାରପ୍ରାପ୍ତ ଓ ବିଭିନ୍ନ ଭାଷାର ଚଳଚ୍ଚିତ୍ରରେ ଅଭିନୟ କରିଥିବା ଆଶିଷ ବିଦ୍ୟାର୍ଥୀ ପ୍ରେରଣାଦାୟୀ ବକ୍ତବ୍ୟ ପ୍ରଦାନ କରିଥିଲେ। ରାଜସ୍ଥାନ କଳାକାରଙ୍କ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।

Advertisment

ଏହି ବାର୍ଷିକ ଉତ୍ସବ ଅବସରରେ ୱାଇଆଇର ନବନିଯୁକ୍ତ ପ୍ରତିନିଧି ମଧ୍ୟ ଚୟନ କରାଯାଇଥିଲା। ଚଳିତ ବର୍ଷ ୨୦୧୮-୧୯ର ଚେୟାର ଭାବେ ତତ୍ୱ ଟେକ୍ନଲୋଜି ଲିଃର ସିଇଓ ତପେନ୍ଦ୍ର ସେନାପତି ଓ କୋ-ଚେୟାର ଭାବେ ପିଜିଏଲ୍‌ ଗ୍ରୁପ୍‌ର ଡାଇରେକ୍ଟର କମଳ ସୀତାରାମ ଅଗ୍ରୱାଲ ଦାୟିତ୍ୱ ଗ୍ରହଣ କରିଲେ।