ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ଓ ପ୍ରତାରଣା, ଅଭିଯୁକ୍ତ ଯୁବକ ଗିରଫ
ବାରିପଦା: ପ୍ରଥମ ସାକ୍ଷାତରୁ ପରସ୍ପର ମଧ୍ୟରେ ପ୍ରେମ ଓ ପରେ ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ। ଶେଷରେ ପ୍ରେମିକାଙ୍କୁ ପ୍ରତାରଣା କରି ଅନ୍ୟତ୍ର ବିବାହ ଘଟଣାକୁ ନେଇ ପ୍ରତାରିତା ଯୁବତୀ ଜଣଙ୍କ ବାରିପଦା ଟାଉନ୍ ଥାନାର ଦ୍ୱାରସ୍ଥ ହୋଇଛନ୍ତି । ଘଟଣାର ତଦନ୍ତ କରି ପୁଲିସ ତକତପୁର କଲୋନୀସାହି ଅଞ୍ଚଳର ପ୍ରଦୀପ ମିଶ୍ର(୩୩)କୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଟାଉନ୍ ଥାନା ଅଞ୍ଚଳର ଜଣେ ଅନୁସୂଚୀତ ଜାତି ସମ୍ପ୍ରଦାୟର(୨୬) ଜଣେ ଯୁବତୀଙ୍କୁ ୬ ବର୍ଷ ପୂର୍ବେ ଅଭିଯୁକ୍ତ ପ୍ରେମ ଫାସରେ ଫସେଇ ବିବାହ ପ୍ରତିଶ୍ରୁତି ଦେଇ ଶାରିରୀକ ସମ୍ପର୍କ ରଖିଥିଲେ। ମାତ୍ର ପରେ ପିଡ଼ୀତା ନୀଚ୍ଚ ଜାତିର ହୋଇଥିବା ଦର୍ଶାଇ ବିବାହ କରିନଥିଲେ। ଅଥଚ ଏହି ସମୟରେ ୬ ମାସ ପୂର୍ବେ ପ୍ରଦୀପ ଅନ୍ୟ ଜଣଙ୍କୁ ବିବାହ କରି ସାରିଥିବା ପିଡ଼ୀତା ଜାଣିବାକୁ ପାଇ ଥାନାର ଦ୍ବାରସ୍ଥ ହୋଇଥିଲେ। ଏନେଇ ଟାଉନ୍ ଥାନାରେ ଧାରା ୩୭୬(୨)(ଏନ), ୪୧୭, ୪୨୦ ଓ ଆରଡ଼ବ୍ଲ୍ୟୁ ସେକ୍ସନ ୩(୨)(ଭି)ଅଫ ଏସସି/ଏସଟି ପିଓଏ ଆକ୍ଟ ଅନୁସାରେ କେସ୍ ନମ୍ବର ୮୫୬/୦୧.୧୨.୨୦୨୦ରେ ଏକ ମାମଲା ରୁଜୁ କରିଛି।