ରେଳ ଧକ୍କାରେ ଯୁବକଙ୍କ ମୃତ୍ୟୁ

ରାଇରଙ୍ଗପୁର/ଗୋରୁମହିଷାଣୀ: ରେଳ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ସୂଚନା ଅନୁଯାୟୀ ଟାଟା-ବାଦାମପାହାଡ ରେଳ ରୁଟର ତୃତୀୟ ମେମୁ ଟ୍ରେନଟି ବାଦାମପାହାଡରୁ ଫେରିବା ସମୟରେ ଆଁଲାଯୋଡ଼ି ଷ୍ଟେସନ୍‌ରୁ ଗୋରୁମହିଷାଣୀ ଷ୍ଟେସନ୍‌କୁ ଯାଉଥିବା ସମୟରେ ଵହଳଦା ଥାନା ଅନ୍ତର୍ଗତ ଡକଡିହା ଗ୍ରାମର ଆହାରଘୁଟୁସାହିର ଗୋପାଲ ମାଝିଙ୍କ ପୁଅ ଭାଗିରଥି ମାଝି (୨୩) ଛେଳି ଚରାଉଥିବା ସମୟରେ ଏକ ଛେଳି ରେଳଧାରଣା ଉପରକୁ ଚାଲିଯାଇଥିଲା। ଛେଲିକୁ ରକ୍ଷା କରିବାକୁ ଯାଇଥିବା ବେଳେ ହଠାତ୍ ଟ୍ରେନଟି ପହଞ୍ଚି ତାଙ୍କୁ ଧକ୍କା ଦେଇଥିଲା। ଫଳରେ ସେ ଗୁରୁତର ଆହତ ହୋଇଥିଲେ। ଗୁରୁତର ଅବସ୍ଥାରେ ତାଙ୍କୁ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜକୁ ସ୍ଥାନାନ୍ତରିତ କରାଯାଇଥିଲା।

ତେବେ ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଥିଲା। ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ ବୋଲି ସୂଚନା ମିଳିଛି। ଜିଆରପି ପୁଲିସ ଘଟଣାର ତଦନ୍ତ ଜାରି ରଖିଛି।