ରାଇରଙ୍ଗପୁର/ଗୋରୁମହିଷାଣୀ/ସୁଲେଇପାଟ: ମୟୂରଭଞ ଜିଲ୍ଲା ଗୋରୁମହିଷାଣୀ ଥାନା ଅର୍ନ୍ତଗତ ସାନମୌଦା ଗ୍ରାମର ଜଣେ ଯୁବକ ନିଖୋଜ ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ ସାନମୌଦା ଗ୍ରାମର ସୁନା ଚନ୍ଦ୍ର ସୋରେନଙ୍କ ପୁଅ କ୍ରୀଷ୍ନା ଚନ୍ଦ୍ର ସୋରେନ(୩୫) ଗୋରୁମହିଷାଣୀ ଲୌହଖଣି କାର୍ଯ୍ୟଳୟରେ ଚାକିରି କରୁଥିଲେ। ତେବେ ଘରୁ ବାହାରିବା ସମୟରେ ଅଫିସ ଯାଉଛି କହି ଆଉ ଘରକୁ ଫେରିନଥିଲେ। ଦୁଇଦିନ ହେଲା ଘର ସହିତ ଯୋଗାଯୋଗ ନହେବାରୁ ତାଙ୍କ ସ୍ତ୍ରୀ ଆଉଁରୀ ସୋରେନ ଗୋରୁମହିଷାଣୀ ଥାନାରେ ନିଖୋଜ ନେଇ ଏତଲା ଦେଇଛନ୍ତି। ଏତଲା ଦେବା ପରେ ପୁଲିସ ଛାନଭିନ୍ ଆରମ୍ଭ କରିଛି। ତେବେ ଶନିବାର ସୁଲେଇପାଟ ଫାଣ୍ଡି ଅର୍ନ୍ତଗତ ଖଣ୍ଡାଡେରା ନିକଟସ୍ଥ ଏକ ବନ୍ଧ ପାଖ ବୁଦାରୁ କ୍ରୀଷ୍ନାଙ୍କ ବାଇକ୍ ଓଡି-୧୧ଏମ୍-୮୦୮୦ (ପେସନ୍ ପ୍ରୋ)କୁ ପୁଲିସ ଜବତ କରିଛି। ତେବେ ରିପୋର୍ଟ ଲେଖା ହେବା ସୁଦ୍ଧା କ୍ରୀଷ୍ନାଙ୍କ ପତ୍ତା ମିଳିନଥିବା ସୂଚନା ମିଳିଛି।