ରାଉରକେଲା : ଛୁରି ମାଡ଼ରେ ଯୁବକ ଗୁରୁତର
ରାଉରକେଲା : ଗୋପବନ୍ଧୁପାଲୀରେ ଛୁରା ମାଡ଼ରେ ଜଣେ ଯୁବକ ଗୁରୁତର ହୋଇଛନ୍ତି। ଗୁରୁତର ଯୁବକ ହେଲେ ଲାଠିକଟାର ସୁନୀଲ ମୁଣ୍ଡା। ପେଟରେ ଗଭୀର ଆଘାତ ଲାଗିଛି। ତାଙ୍କୁ ପ୍ରଥମେ ରାଉରକେଲା ସରକାରୀ ହସ୍ପିଟାଲ (ଆର୍ଜିଏଚ୍) ଏବଂ ପରେ ଆଇଜିଏଚ୍ ଆଇସିୟୁରେ ଭର୍ତ୍ତି କରାଯାଇଛି। ସୁନୀଲ ଭଉଣୀଙ୍କ ଲିଖିତ ଏତଲା ଆଧାରରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଅପରାହ୍ନରେ ସୁନୀଲ ଗୋପବନ୍ଧୁପାଲୀର ତାଙ୍କ ଭଉଣୀଙ୍କ ଘରକୁ ବୁଲି ଆସିଥିଲେ। ଭଉଣୀଙ୍କ ଘର ଆଗରେ ଠିଆ ହୋଇଥିବାବେଳେ ବସ୍ତିର କିଛି ଯୁବକ ମାଡ଼ପିଟ୍ ହେଉଥିଲେ। ସୁନିଲ ସେମାନଙ୍କୁ ବୁଝାସୁଝା କରିଥିଲେ। ଦୁଇ ଯୁବକ ଓଲଟା ସୁନୀଲଙ୍କ ସହ ପାଟିତୁଣ୍ଡ କରିଥିଲେ। ପ୍ରତିବାଦ କରିବାରୁ ଜଣେ ଯୁବକ ଛୁରି ବାହାର କରି ସୁନୀଲଙ୍କୁ ପ୍ରାଣାତ୍ମକ ଆକ୍ରମଣ କରିଥିଲେ।