ହରିଣ ଛୁଆ ରଖିବାରୁ ବିବାଦ: ଯୁବକଙ୍କୁ ପିଟିପିଟି ହତ୍ୟା
ବନ୍ତଳା : ଅନୁଗୁଳ ଜିଲ୍ଲା ପୁରୁଣାକୋଟ ଥାନା ଟାକରସିଙ୍ଗା ଗାଁରେ ଗତରାତିରେ ସଂଘଟିତ ଏକ ନୃଶଂସ ହତ୍ୟାକାଣ୍ଡ ଚାଞ୍ଚଲ୍ୟ ସୃଷ୍ଟି କରିଛି। ଜଙ୍ଗଲରୁ ପଶି ଆସିଥିବା ଏକ ହରିଣଛୁଆ ଲାଳନପାଳନକୁ କେନ୍ଦ୍ରକରି ସୃଷ୍ଟ ବିବାଦରୁ କିଛି ଲୋକ ଗାଁର ଜଣେ ଯୁବକଙ୍କୁ ପିଟିପିଟି ମାରିଦେଇଛନ୍ତି। ଏ ନେଇ ଗାଁରେ ଉତ୍ତେଜନା ଲାଗିରହିଛି। ପୁଲିସ ଶବ ଜବତ କରି ଘଟଣାର ତଦନ୍ତ ଚଳାଇଛି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ, ସାତକୋଶିଆ ଅଭୟାରଣ୍ୟ ଅନ୍ତର୍ଗତ ଟାକରସିଙ୍ଗା ଗାଁ ମହ୍ଲାରସାହିକୁ ପ୍ରାୟ ୮ ଦିନ ତଳେ ଜଙ୍ଗଲରୁ ଏକ ହରିଣଛୁଆ ପଶିଆସିଥିଲା। ମହ୍ଲାରସାହିର କିଛି ଲୋକ ହରିଣଛୁଆଟିକୁ ଘରେ ରଖିଥିଲେ। ସେମାନେ କାହିଁକି ହରିଣଛୁଆ ରଖିଛନ୍ତି ବୋଲି ଗାଁର ୫ ଜଣ ବ୍ୟକ୍ତି ପହଞ୍ଚି ପଚରାଉଚରା କରିଥିଲେ। ଏହାକୁ ନେଇ କଥା କଟାକଟିରୁ ସେମାନେ ଉତ୍କ୍ଷିପ୍ତ ହୋଇ ହରିଣଛୁଆ ରଖିଥିବା ଲୋକଙ୍କୁ ମାଡ଼ପିଟ କରିଥିଲେ। ଏହି ଘଟଣାରେ ଗାଁର ଜଣେ ଯୁବକ ଶ୍ରୀଧର ଦେହୁରୀ(୩୬)ହସ୍ତକ୍ଷେପ କରିଥିଲେ। ଏଥିରେ ପ୍ରତିଶୋଧପରାୟଣ ହୋଇ ଏହି ୫ ଜଣ ବ୍ୟକ୍ତି ସପ୍ତାହେ ପୂର୍ବରୁ ଶ୍ରୀଧରଙ୍କୁ ନିର୍ଘାତ ପିଟିଥିଲେ। ଫଳରେ, ତାଙ୍କର ପ୍ରାଣହାନି ଘଟିଛି। ଏ ସଂପର୍କରେ ଶ୍ରୀଧରଙ୍କ ଭାଇ ତଥା ଗାଁର ୱାର୍ଡ଼ ମେମ୍ବର ମୂଳିଆ ଦେହୁରୀ ଥାନାରେ ଅଭିଯୋଗ କରିଛନ୍ତି।