ଧର୍ମଗଡ଼ : ଗତ କିଛିଦିନ ହେଲା ଧର୍ମଗଡ଼ ଅଞ୍ଚଳରେ ବାରମ୍ବାର ବିଦ୍ୟୁତ୍‌କାଟ୍‌ ହେଉଛି। ଏହାର ପ୍ରତିବାଦରେ ସୋମବାର ରାତି ୮ଘଣ୍ଟାରୁ ଧର୍ମଗଡ଼ ଫିଉଜ କଲ୍‌ ସେଣ୍ଟର ଠାରେ ଜାତୀୟ ରାଜପଥକୁ ଧର୍ମଗଡ଼ ଅଞ୍ଚଳର ଯୁବକମାନେ ଅବରୋଧ କରିଥିଲେ। ଘଟଣାସ୍ଥଳରେ ସ୍ଥାନୀୟ ପୁଲିସ ଓ ଧର୍ମଗଡ଼ ବିଦ୍ୟୁତ ବିଭାଗର ସହକାରୀ ଯନ୍ତ୍ରୀ ପହଞ୍ଚି ଯୁବକମାନଙ୍କୁ ବୁଝାସୁଝା କରିଥିଲେ। ସହକାରୀ ଯନ୍ତ୍ରୀ ଭଗବାନ ସାହୁ ପ୍ରତିଶ୍ରୁତି ଦେବାରୁ ରାସ୍ତାରୋକ ହଟିଥିଲା।